السلام عليكم ورحمه الله وبركاته
مساء الخير
انا عسكري جندي بالجوازات ..
هل اقدر افصل نظامي اكلمهم وأقول ابي أفصل
زي كذا .. مع العلم أن لدي قرض من البنك العربي
وهل راح يتم تغيير مهنتي إلى متسبب ؟

أنصحك ما تفصل وهذا افضل قطاع ..........

وش السبب اللي بيخليك تفصصل

نعم تقدر تفصل
بس مع الظروف اللي تمر فيها البلد حالياً انصحك تراجع الفكره وتحسبها صح

اولا ليه تبي تفصل الجوازات دوام مشي حالك ما عندك الا الهنود
وثانيا لو تبي تفصل اتوقع ما تفصل نضامي الا بعد اربع سنوات واذا عندك تخصص فني 6 سنوات
والا حاول تدبر تقارير طبية انك مريض نفسي عشان يصرف لك تقاعد 75‎%‎ وتريح
بس صعبه لان فيها عدت لجان تعرض عليهم
واذا مره طابت النفس اسحب عليهم سيفون اتوقع 7 ايام متواصله يرفع قرار فصلك
بس ما انصحك ترا راح تنطلع بالبيت مافيه وظائف حتى الشركات صارة فل
ملاحظه اذا ناوي تفصل طلع قرض كامل على راتبك وعطهم سيفون عشان لو تبي تفتح مشروع

الناس تدور الوظيفة وانت تبي تفصل !!

يا ابني هالوقت الحالي لو معك وظيفة عض علينا


إلا اذا كان عندك ظروف قاهرة هذا شي ثاني او فيه عمل بديل

بالنسبة للي يقول طلع قرض براتبك واسحب عليهم

حاب اقولك اتقي الله فيما تقول وكل حرف انت محاسب عليه

صاحب الموضوع ممكن انك تستقيل لكن القرض اللي عليك انت ملزم بسداده كاملا والا يتم ايقاف خدماتك وبعدها السجن على طول

أنا شغال في شركة تمويل وعارف الاجراءات في مثل هذه الحالات والبنوك ماترحم

ونصيحة أخيرة فكر قبل ماتستقيل ترا أصحاب البكالوريوس مو محصلين وظائف فما بالك باللي معاه مؤهل أقل

يعطيكم العافيه و خلها على الله
طيب انا خايف من شي واحد
سمعت الي يفصل ولديه قرض من البنك
يتم إيقاف خدماته وهذا شي مهم بالنسبه لي
احد عنده علم ياشباب