الله يوفق ويبارك لك

1/اهم شيء في الاداره وعلشان تمشي على خط واضح دائماً اكتب على ورقه
الشغلات اللي تبي تنفذها قبل يوم
2/اذا كان عندك مشكله صغيره او حاجه مو عارفها حط اكثر من حل واختار الافضل
3/يفضل حضورك قبل الموظفين وتطلع اخر واحد من افراد قسمك(هذا يبين اهتمامك اكثر -لان فيه مسؤلين اقسام يجي بعد الموظف ويطلع قبله على اي اساس راح يحافظ الموظف على عمله اذا كان رئيسه شخص متسيب)
4/الكلمه اللي تستحي منها بدها(اذا كانت متعلقه بالشخص اللي امامك في نطاق العمل طبعاًاو متعلقه بالعمل) لاتقول والله منحرج من احد ابد قولها بالفم المليان
5/حاول ان امورك تكون مرتبه اكثر من ناحية مكتبك استقبالك للموظفين الملفات اذا كان فيه عندك اتصالات لازم تجريها دونها واكتبها تفادياً للنسيان من ظغط العمل
6/حاول تكون دائماً رجل الموقف ولاتخلي الظروف الخارجيه تأثر على عملك
وصدقني كل ماكنت شخص تحب التعاون وبشوش وتتفادى المشاكل وتسمع اكثر ماتتكلم من الموظفين هذا راح يحببهم لك وراح يسعون لنجاح القسم اكثر بس هذا مايمنع تكون لين وصلب في نفس الوقت....اذا شدو ترخي واذا ارخو لازم تشد
هذا اللي في جعبتي ومن خلال تجربتي والله يبارك لك واي سؤال نحن في الخدمه