من رأيي .. حاولي تحصلين على دليل الأوراق الصفراء ( دليل الأعمال من الاتصالات السعودية ) والعملية متعبة شوي بس ان شاءالله تلقين نتيجة حلوة ..

أول شي ابحثي في كل المؤسسات اللي تتوقعين انهم يحتاجون لدعاية أو اعلان ويفضل الشركات الصغيرة أو المبتدئة واعرضي عمل تصاميم دعائية لهم مقابل مبالغ بسيطة ( مقارنة بالمحترفين ) ولا تتحطمين من مكالمتين أو ثلاث ولا حتى عشرة ما حالفك فيها الحظ .. ثابري حتى توصلين لمبتغاك ..

وممكن إذا رغبتِ تتصفحين المنتديات وتدورين على أفضل مصممات في الفوتوشوب وبرامج التصاميم وتعرضين عليهم الفكرة وتتواصلين معهم وتكون بداية أعمالكم في البيت من وراء الشاشة بعدها تتطورون الى ان تفتحون مكتب دعاية خاص بكم من غير ما تثقلون على أنفسكم بقروض ..

وممكن تطبعين بروشرات بعد ما تنسقين انتِ وكم مصممة ويكون البروشور من تصميمكم وتوزعونها على الشركات بمختلف أنواعها ومجالاتها ..

أتمنى اني أكون أفدتك يا قلبي