اقتباس:
المشاركة الأصلية كتبت بواسطة أم الوظائف
مساكين البنات.. مابقى شئ ماسونه عشان يرضون هالرجال مايفيد معهم..
والله يكسرن خاطري.. كل يوم ناطات بفكره.. وابيات شعر ورسائل وافكار كيف تسعدين زوجك.. ومن هذا الحكي..
ذكرتني بوحده تبي تكتب لزوجها بيت شعري له وهي مو حول الشعر كتبت بيت وارسلته له جوال.. شوي اتصل توقعت يمدحها.. قالها انتي وش كاتبه.. وقالت له بيت شعري لك.. وراح يطنز على اللي كاتبته.. .. انا مت عليها من الضحك..مسكينه حرمت تكتب له شئ..
|
والله هذا الرجال قليل ذوق وما عنده سالفه
وبعدين ما اقول لك كل الرجال يحبون الكلام الحلو بعضهم يعتبره نقص في الرجوله
واعطيك مثال قبل البارحه كان عندي واحد من الاصدقاء زواجه في الصيف القادم
قلت له تعال ابغى ادلك على مواقع مفيده تتكلم عن الاسرة وكيف تتعامل مع زوجتك وكيف تكسب قلبها
الرجال ماكملت كلامي الا زعل علي ويقول هذي الامور ماتحتاج اتعلمها وبعدين من قال لك بتعامل مع زوجتي بكلام حلو ليه وانا ناقص عقل وبعدين الحرمه اذا ماعاملتها برجوله تتحكم فيك في المستقبل وتعتبرك ضعيف شخصيه 
بصراحة انا بعد كلامه هذا سكتت عنه لاني اعرف ان مثل هذي العقليات موجودة وبكثره للاسف في مجتمعنا والمشكله بعدها يطلع ويقول زوجتي ماتتعامل معي برومانسيه اي رومانسيه وانت هذا تفكيرك