هوا موضوعك صحيح لكن ربطه بالبطاله مو ضروري , للأسف كثير من شبابنا وبناتنا يعانوا من خلل داخلي نتيجة تراكمات من الضغوطات الأسرية , فلو جيتي لشاب من هؤلاء الشباب وقلتليه طيب حب أهلك ولا حب اختك واسعدها يقلك ماقدر , ليش مادري , تجي لتعاملات الرجال سبحان الله لما تكون حلاله ماتسمع الا قاموس ومعجم الشتم والتهزئ لما تكون خويته وصديقته ماتسمع الا عبارات الحب والغزل
رومانسي مهذب خلوق متدين خارج البيت
ديكتاتوري قليل تربية بلا حياء داخل البيت
ليش؟
البنات اسم الله عليهم , الان انعكست اصلا الآية , صاروا البنات هم من يتحرش بالشباب وهم من يمهدون الطريق وياويلي من كيدهن ! , تتنقى وتختار الشخص المتزوج ! عشان تحس بالنصر انها خربت حياة انسانه ثانية , ياقلبي على احساس النصر الجبان !
عن قصص الحب المعروفة مااحبذ انك تذكريها لانه حيجي كل واحد ووحده يدعي المثالية ويدافع ويقول ويزيد ويعيد والموضوع معروف وواضح , الاطفال الي ماتعدوا عمر 16 سنة متخذين اخدان , اجل الكبار خلاص مافي تفاهم الى طريق الانحراف او الى طريق الهداية , و القابض على دينه كالقابض على الجمر اصبحت بدايتها الان موجوده ,
عمره ماكان الحب عيب
وعمره ماكان الحب جبن
وعمره ماكان الحب شي غير مطلوب
لكن الندم في إعطاءه لشخص غير جدير به !! او وضعه في غير مكانه !!
والمشكلة في الحب اللحظي حق الي اثنين يعرفوا بعض في اي مكان سبحان الله المره الثانيه خلاص حبوا بعض , وهذا الحب ينطفئ بشئ واحد ماافضل ذكره هنا كرامة للقارئيين ! لكن هوا كمن كان جائعا واكل ثم رفس !! وهذا ماانتشر عن الحب واصبح عائماً عليه
البنت يمكن غبية لانها عاطفية وهذا شي فطري , بغض النظر عن شواذ الفطرة
والشاب يمكن جبان لكن فارغ التفكير , اليوم فلانه وبكرا فلانه وبعده فلانه الى ان يوصل مرحلة الزواج
اصلا لايكون عنده مخزون عاطفي لحلاله , ولا يكون عنده ثقة في حلاله , ويشك في كل تصرفاتها شك المجانين , ليه التلفون انتظار , ليه ماتردي , ليه وليه وليه ...
نسبة الطلاق ارتفعت للأسف بسبب الجهل السائد بين الناس , فالبنت متوقعه زوجها يكون روميو ولا احمد شوقي ولا قيس
والولد يحسب زوجته حتكون ماكينة الببسي الي تطلعله وقت طلبه اي ش يبغاه , مره طبخ مره غسيل مره حب مره تكفيخ 
الوقت الحالي صار من الصعب تحميل شاب في الـ 26 مسؤولية منزل وبالمقابل صعب تحميل فتاة في عمر 25 مسؤولية منزل , ليه؟
مافي اي احساس او شعور بانه مطلوب او مطلوب منها تحمل الشئ هذا طبعا يعتمد على تربية امها لها , يعني ماننكر انه فتيات لم يصلن للـ 18 ولو طلب منزلها حمل مسؤولية حي بأكمله لحملته مشكورة! وبالمقابل الشاب معاه حق يومه وعنده سياره من اهله ماعاد يشيل هم شي كل مااحتاج شي اخذه طيب ليش يشيل مسؤولية ؟ الغلط في الي ماربى وزرع في قلوبهم حس وشعور المسؤوليه !
وإضافة عن نقطتك بالفتيات الي يقعن في المحظور في العمل او ماشابه
هذا يعتمد اعتماد كلي على الخوف من الله , ومن ثم تربيتها , يعني من واقع عملي شفت ولا زلت اشوف اشياء ماتذكر ! , لكن انا اشوف واقول الله لايبلانا في حبيب و لاقريب , لانه من خلعت حياء العفة على حفنة من الريالات فبكل بساطة لا تحسب من فئة البشر وانما نحاول مستقبلا ان نضمها الى احد الفئات الشهوانية !!
اخر شي
الي عارف نفسه لايجي ويقول لاتتكلمي لكاتبة الموضوع ولا تحكي مو كلنا كذا !!
خلاص انتا مو كذا اعطينا الخامس وكمل طريقك , واذا انا بعد هالكلام كله ابا روح اشك في اهلي فانا متأكد اني مريض نفسي احتاج الى اقرب فرصة لزيارة طبيب نفسي !
والله من وراء القصد