موضوع جميل.. وعندي مداخله..

لكل انسان شخصيته واسلوبه..
والكمال مو موجود في داخلنا.. وكيف نبغى من صديقنا يكون الكمال فيه..

لي الحمدلله اكثر من صديقه.. وكل وحده لها شخصيتها المستقله.. واعرف لمين اروح في شدتي.. ومين احكي لها سري..ومين منهم تشاطرني افكاري وطموحي..

والحمدلله بنات اكثر من رائعات.. ولكن سبحان الله الزمن له حكمه.. والايام تفرق.. وكل وحده راحت في دنياها.. وفرقتنا الظروف.. بس بقى تواصلنا بالدعاء..وهم حريصات جدا علي.. والرسائل تحكي مدى الشوق والحنين..وكيف كل وحده محتاجه للثانية..


بس يقى لازم.. نعذر اصحابنا.. ونلتمس لهم العذر .. ونسامحهم على الخطأ والتقصير..



الحين اللي الاحظه.. احنا فقط نطلب من اصدقائنا.. ولكن ما نسأل انفسنا.. ايش احنا مقصرين فيه.. وليش مانلتمس لهم الاعذار.. وليش نقول الكلمات اللي تخلي بالقلوب الحقد..


اقرأ كثير في منتديات وخصوصا النسائية.. كلمات استغرب انه وحده تقول على صديقتها كذا.. تبغاها طول الوقت مهتمه فيها..خصوصا لما تتزوج الصديقة.. تحقد عليها اللي ماتزوجت.. وهاتي كلمات .. وسحبت علي وسحبت عليها.. او تتوظف الصديقة.. ما ادري لهدرجة الغيره تعمي..؟؟!!

فعلا مواضيع تقهر.. وتحقد الناس على بعضها.. وكل شوي نازل موضوع.. وشرايك بصديقاتكم بعد مايتزوجون؟؟؟ والا شرايكم فيهم بعد ماتتوظف ؟؟

ومشكلة يعبرون من وجهة نظرهم هم.. انه الصديقة الموظفة تشوف نفسها والمتزوجة... وغيره وغيره..

اجلس احمد ربي اللي وهب لي صديقات مو بمثل هذي العقليه التافهه.. وهم عاذراتني رغم شدة تقصيري معهم.. لانه فعلا مشاغلي كثير.. وماعندي وقت اكلمهم واطمن عليهم كثير.. يادوبك رسائل كل فترة وفترة..


مشكوووور اخوي على الموضوع.. وواتمنى تتقبل مداخلتي بصدر رحب..