السلام عليكم ورحمة الله وبركاته
الموضوع واضح اللي عنده موقف طريف يذكره لنا نبي نفرفش شوي .
وبما أني صاحبة الفكره راح أكتب لكم موقف طريف صارلي من فتره .
قبل فتره طلعنا لأحد المنتزهات الله لايعيدها من طلعه وكان معانا عمامي
عيالهم وبناتهم كلهم وأول ما وصلنا كل واحد مسك دباب وأنواع الإستعراض
عاد الشباب إذا شافوا بنات يطالعونهم أنواع القوة والتميلح وهو لو تطق
الثوم حقت الشروخ جمبه ماتشوف الا غبرته خخخخخخخخخخخخخخخخ 
المهم جا واحد من عيال عمي وقال للبنات منو فيكم تبي الدباب تعبت من
اللعب وباقي لي نص ساعه والبنات كلهم أكبر مني أصغر وحده فيهم أنا
ويقومون كلهم يقولون لي يالله أركبي وقاموا يشجعوني حسسوني أني
سوبرمان 
وراحت له أخته قالت خلاص روان تبي الدباب ورحت ركبت
الرجال جاني وعلمني قال لي الموضوع ومافيه أظغطي على الأزرار وهو
يشتغل قلت يا الله بس قال بس قلت زين وخر وأظغط على الأزرار ولا الدباب
طار فيني أنا ماتوقعت الدباب بهالسرعه الخياليه الا يوم جربته المهم أنا من
الروعه تميت ظاغطه على الأزرار وطايره نسيت أني لو شلت صبعي عنه
راح يوقف ومن الثواره منقطعت النظير ماعاد لفيت يمين ولا يسار أمشي
بكل سرعتي بإتجاه واحد وبآخر المنتزه كان فيه مجموعه من الشباب قاعدين
بأمان الله يدقون عود وآخر حلاوة والقهوه والشاي والحلويات والله العظيم
كان مافيه بعدهم الا شارع عام سريع يعني لولا الله ثم هم كان أنا ميته بالشارع
وأول ما شافوني خلاص جايتهم جايتهم ويتطايرون بثواني عن طريقي والله ما وقف
الدباب الا زمزمياتهم ومواعينهم ويقلب الدباب على رجلي وتنشق رجلي تقريبآ
5 سنتميتر غير الجروح البسيطه اللي يضحك بالموضوع أني كنت أنتظر حد من
أهلي يجي وكلهم واقفين بمكانهم يطالعون علي خافوا أن الشباب يعرفونهم
وجو البنات يركضون وشالوني وسوى لنا أخوي حفله بغى يذبحني 
بدال ما يقول لي
الحمدلله على السلامه 
الزبده خربت الطلعه كلها وراحوا أهلي البيت وأنا على
المستشفى دايركت وخيطوا الجرح وعدى الأمر بسلام .
أتمنى أن الموضوع يعجبكم وتتفاعلون معاه .
تقبلوا تحياتي .