طيبة القلب ماتعني انسان تنوكل حقوقه.. احنا نخلط بين طيبة القلب وضعف الشخصية..

كل انسان من شخصيته.. يعني فيني اكون طيبة القلب وارحم الناس واتعامل باحترام.. بس مامسموح لاي حق من حقوقي احد ياخذها..او يهمشني.. ويحقر فيني..او يجلس حاط رجل على رجل وانا اشتغل عنه..

فيه ناس ضعف بالشخصية.. ويسامح.. ويتحمل اشياء كثيرة على نفسه بس مايزعل غيره.. ويهمشونه وهو راضي.. ويهان ويحولها لشئ عادي.. وممكن تكون نيه فلان كذا.. او يعديها بكلمة الله يهديه..
خلاص كيفهم..ومن هذي العبارات..واذا طلب منه اي شئ يسويه..يعني الناس جالسه ويضحكون وهو يشتغل لهم.. هذا ضعف شخصية.. ويلزم علاج نفسي..

طيبين القلب وصافين النية جميل جدا التعامل معهم.. ولكن ضعفاء الشخصية اكره التعامل معهم.. لانه مهما تحاول تنبهه انه الناس قاعده تلعب عليك.. وتاكل حقوقك.. واسمع كيف يهينونك..
يضل مصر على موقفه السلبي.. ويرفض اي فكرة لتحسين وضعه..ويضل حارم نفسه من ملذات الدنيا بس عشان يرضى الناس ويحقر نفسه