بسم الله الرحمن الرحيم
السلام عليكم ورحمة الله وبركاته

انا خريج الدفعه السابعه من معهد التدريب العسكري المهني في الرياض ابي احكيلكم معاناتي بالمعهد وماهو هذا المعهد ..
عندما شاهدت الاعلانات بالجرايد والاهتمام الكبير بهذا المعهد و والشروط الراائعه والمميزات الجميله والكلام المعسول وسهولة الوصول الى هذا المعهد وان قام بأنشأه الملك عبدالله شجعني للتسجيل بهذا معهد التدريب العسكري المهني فكان تسجيلي بهذا المعهد اكبر شي ندمت عليه بحياتي لانه معهد ظلم وكذب ونصب بنصب اكاذيب لا اعرف لماذا يكذبون ويخادعوننا بكلامهم حسبي الله ونعم الوكيل عليهم ..
وعند بدايت انعقاد الدوره كنت متحمس له وامضينا بصيف 1427 هـ بتحديدا 2-8 الايام الاولى التي تمضيها داخل المعهد ومدتها 25 يوما تقريبا الله يكرمكم كالحمار تحرث الارض واهانات وتفاهات وكلمات تطلق عليك وانت بري منها اللي يسوى واللي مايسوى يتكلم عليك ياطالب ياسباك وعسكريه مالها اول ولا تالي وانت بالاخير تأخذ تلك الشهاده التي تبللها بعد التخرج وتشرب مويتها ...
اربعة اشهر امضيتها فرد اساسي عسكريه وملعنه بطلاب متحطمين نفسين ومعنوين وماديا ومن ناحية ماديا فكانوا يتأخرون بالمكافأة التي لايأخذها الهندي 600 ريال بالشهر ومتى اعطيت لنا بعد خمس اشهر من انعقاد الدوره بالحقيقه كان ودي افصل لكن كنت اطمح ان اسعد والدي ولكن اكتشفت انني وقعت بفخ الكذب والنصب من هذا المعهد من جد مقهور على الايام اللي مرت بذلك المعهد من ناحيه صحيه ( اول شي يصيبك الاحباط النفسي – تكثر بك الامراض الوبائيه حيث يكون نومك مع 50 رجلاً في غرفه كبيره يسمونها مهجع في سكن المعهد الخايس المزبله الله يكرمكم – الاكل الذي يصرف من الميز وهي مكان الطعام قمة الاوساخ والجراثيم ) ..
معهد التدريب العسكري المهني افشل معهد في العالم ولا انصح ابدا أي واحد يدخله امضيت فيه سنه كامله ما اطلع الا خميس وجمعه العصر احضر بعد ما استلمت الشهاده جلست في البيت انتظر احد يتصل علي خرطي ..
اخذت دوره ثانيه من القهر في قوات امن المنشات ستة اشهر والحمدلله على كل حال جندي أول

وحسبي الله ونعم الوكيل على معهد التدريب العسكري

سامحوني على طولت عليكم وماعرفت ارتب كلامي لاني من جد مقهور

واللي يبي يستفسر عن المعهد مستعد حتى لو يبيني اتكلم معاه شخصيا على الهاتف او رسائل خاصه او على الموضوع


دافئ المشاعر