اقتباس:
المشاركة الأصلية كتبت بواسطة مامثلي احد
مايكفي انك تدرسي حالك
اهم شي شهاده
|
حبيبتي ما مثلي أحد ، حالياً في تقنية اسمها البودكاست ، والي تعني -البث عبر الانترنت -
ومواقع عالمية مثل البي بي سي والسي إن إن تتعاطى مع هالتقنية ومفعلتها بشكل كبير
على مستوى الإفادة ، والجميل بهالتقنية إنها تخولك التعلم بأي وقت وما استفادوا من هالتقنية
في مجال التعليم وبس بالعكس في جميع برامجهم ... وحاليا ناس كثير من دول العالم المتقدم أوربا واليابان وغيرها من دول العالم مستفيدين من هالتقنية ويتعلمون عن طريق المواقع
المختصه فيها وعلى فكرة هالتقنية موجودة من 2003 شوفي يعني من متى ؟؟؟
وهالمواقع المسئولين عنها على فكرة على مستويات عالية في التعليم يعني موقع eslpod.com المضيف ماله بروفيسور حسب معلوماتي بالإضافة إلى إنه يا قلبي له سنوات في تعليم الانجليزية إلى جانب إنه يعلم الاسبانية 
هذا غير موقع elllo وهذا الموقع عاد حدث ولا حرج المحادثات إلي فيه بس أطلق من مليون صف محادثة بمعاهدنا !!!
تعلم الانجليزية ذاتي في المقام الأول صدقوني ، وأنا والله ما كتبت هالرد عشان أقلل من قيمة ردك لا والله ما قلت كذا إلا عشان أفيدكم وأثبت لكم إنكم تقدروا تتعلموا إلي تبون بس إذا شديتوا حيلكم وفعلاً اجتهدتوا . ولو تعرفي اللونق مان لهم اصدارات كتب عديدة وشوفي بمقدمات هالكتب تلقين مكتوب طريقة للطالب إذا بيعلم نفسه وبرضو جامعة كامبردج نفس الشي في كتبهم وكثير من الكتب على نفس الموال . وأنا شخصياً أتعلم في البيت عن طريق هالمواقع إلى جانب الكتب ، أنا ما أقول اكتفوا في الدراسة بالبيت لكن الوحدة تطور نفسها بالبيت وتجيب مدرسة للقرامر لأنه يحتاج مدرسة والي تدفعه للمعهد تدفعه للمدرسة والقرامر ما يحتاج تدرسينه أكثر من شهرين وصلى الله وبارك ، وبعدها ياحبيبتي روحي اختبري وخذي شهادة وهذي خطتي في الحقيقة وأنا حالياً ناوية اكمل الماستر وشاده حيلي عشان بالصيف أقدم على التوفل.
استفيدوا يابنات من التقنية