مرحبا أخوي ..
اولا فكر في ميولك لان اذا ما حبيت التخصص ماراح تبدع فيه و تخرج بنتيجة طيبة
وثانيا فكر في المكان اللى بتوظف فيه مثلا سكرتارية و إدارة أو فني في شركة أو موظف بنك أو دائرة حكومية ..الخ . لان كل وظيفة لها متطالباتها مثلا وظيفة اداري ما تحتاج اكثر من دورة ادخال بيانات 6 شهور .

و بالنسبة للتخصصات :

دبلوم مكاتب سنه :
هذا سهل ويتضمن الأوفيس الوورد و البوربوينت و الاكسل... و بتلاقي إللي معاه دورة حاسب 3 شهور ينافسك بالوظيفة و مجاله واسع تشتغل به أي شغل إداري . ( أبدا لا تضييع دراهمك فيه )

دبلوم برمجه سنتين :
البرمجة مو صعبة بس تحتاج مخ و ممكن تطور نفسك و تصير مبرمج و تعمل برامج للشركات حسب الطلب ( وشوف البرنامج بكم ؟!) و هنا ممكن تتنافس مع خريجي بكالوريوس علوم الحاسب على وظائف برمجة .. بس تقريبا مجاله محدود لشركات الحاسب اللى تبحث عن مبرمجين . و ايضا مجال صيانة الحاسب يكون لك نصيب فيها .

دبلوم تقنيه سنتين : تقنية شبكات
الشبكات مو سهلة ولا صعبة و مجالها واسع و مطلوبة كثير لان كل البنوك و الشركات و الدوائر تحتاج ربط أجهزتها ببعضها البعض (يعنى شبكة ) و يكون المسمى الوظيفي لك فني شبكات ..

اخوي .. استخير و فكر في الوظيفة اللى تتمنها و ابحث عن شروطها و متطلباتها وبعد كذا قرر مجال دراستك و لا تحصر نفسك في هالمجالات في غيرها كثير .. و بالتوفيق (آسفة إذا طولت عليك بس اشرح من قلبي (دق الجرس انتهت الحصة ))