اقتباس:
المشاركة الأصلية كتبت بواسطة أم الوظائف
اخوي اول شئ ادعي لك بالتوفيق..
قرأت موضوعك اكثر من مره.. اخوي الطموح فينا كلنا لكن سبحان الله ساعات الظروف ماتطاوعنا.. على اللي نبيه..
الحين انت بيدك شئ عليه ضمان وهي وظيفة حكومي.. وهذا شئ جدا ممتاز.. وانت معلم.. يعني عندك اجازات بالسنة توصل الى 3 شهور.. غير لو انك موظف بمكان ثاني وجازتك شهر بالسنة..
حاول تنسق في فترة الثلاث شهور وتشتغل فيها..
أنت رجل مافيه معوقات كثير قدامك... عكس المرأة.. يعني الان استغل وظيفتك في شغلتين.. الاولى.. دراستك.. الثانية.. أمن بيت لعيالك..
غير كذا: حاول تدور عن مصدر دخل ثاني.. تقدر من خلاله تبني عمارة..على الاقل..
لاتستعجل ابدا في اي شئ.. خصوصا لو الامر عليك أنت كان قلت لك بكل بساطة .. اترك وظيفتك بس انت أب وفي ذمتك اطفال وزوجه..أنت مسؤول عنهم..
اعطي نفسك فرصة لـ5 سنوات.. امن فيها لعيالك بيت.. واهتم في دراستك.. وامن عمارة تستفيد من اجارها..
عجبني دكتور كان عندنا بالمستوصف.. ظل سينين طويلة داخل السعودية.. امن فيها بيت وسكن لعياله.. وسفر عياله للخارج للدراسة.. وبعد ما حس انه سوى كل شئ لاولاده ولا صار عليهم خوف قدم استقالته وراح لكندا يحضر الدكتوراه..
نقطة اخيره بنبهك لها انت الان في امان وظيفي.. وماتخاف حقوقك تنوخذ واو تنطرد بالعمل بدون اسباب حقيقة.. ولكن هذا الشئ كثير جدا يفتقدونه.. انتبه لهذي النقطة..
|
بصراحة .....
من أكثر الردود الجميلة ... هذا الرد ...
يعني رد لامس شعوري الداخلي .. بس كنت مؤيد له
بالفعل انا اريد ان أجمع بين هذه الأمور مجتمعه .. أمان الوظيفة .... حقيقة عندنا اجازات خصوصا الكبيرة تمتد 3 شهور بس غير كافية لدراسة الدكتوراة .. يمكن تغطي دراسة دورة أو كورس
وبصراحة داخلي حقد مو طبيعي على الوزارة .. انتم تعرفون وش معنى أحد يحرمك من حقك كإنسان ... الى هو حق التعليم