عيونك
عيونك أخر آمالي وليل أطول من اليم
كيف ألقى كلام عذب يوصف داخل أحساسي
عشقتك قبل ما اشوفك وشفتك وصرت كلى حلم
أبي رمشك يغطيني وابيك أقرب من أنفاسي
يهمك تعرفي أنك قتلتي في سنيني الهم
قتلني ضحكك وجدك قتلني لينك القاسي
رميت أقداري في دربك وصرتي في عروقي دم
أحبك كثر ماسالت دموعي وما نسى ناسي
يجول الحزن في ضلوعي بردت وذاب فيني العظم
كثير من الحطب حولي وعندك أنكسر فاسي
سألتك بالذي زانك تحبي فيني حتى الظلم
تحبي عيوني وغدري تحبي المر في كاسي
أنا من كثر ما أحبك أبكي كثر رمال اليم
وابيكي فوق الناس وابي ماينحني راسي
عبد الرحمن بن مساعد