اول شي/ ياعاطل فاهم ورطتني هههههههه 
ثالث شي/ طلبك جاهز يالغالي ولايهونون الباقين :
يقول الشاعر لافي حمود الغيداني :
مايبـرد واهـج الشـوق وشعـور الهيـام
غير سرداً تطوي البعـد بالسرعـه طـوي
بديها من خلف ماهـوب مثلـه مـن امـام
مستوي في حال .. وبحال ماهـو مستـوي
خشمها عبرود طلقـه .. وموخرهـا بهـام
رافعـه راعـيـه بـأشـارة ٍ ماتنـغـوي
لابدو دعاء السفر .. واعلنو ربط الحـزام
ورشادات الامن لـو ترتطـم والا تهـوي
واستلمها واحـد ٍ خبرتـه عشريـن عـام
كبتـن ٍ بالله وبكتـابـه إيمـانـه قــوي
مسلـم ٍ عنـده خبـر بالحـلال وبالحـرام
جابله ربي علـى الديـن وسلوكـه سـوي
وصعدت مثل اشقر ٍ فوق جول الصيد حـام
لمراوحهـا مـع الجـو لجـه وحــدوي
مثل مايدوي صدى صـوت رعـاد الغمـام
صوتها صـداه عبـر الفضـا يـدوي دوي
صنعة اللي ماعرفـوا لاصـلاة ولاصيـام
شعب ٍ أكثرهم ماهو عـارف ٍ منهـو ذوي
بالنهـار لياتعلـت كبـر فـرخ الحـمـام
دونهـا الاف المسـافـات تزويـهـا زوي
وان تغطلس بينك وبيـن رؤيتهـا الظـلام
كن في روس اجنحتهـا مشاهيـب بـدوي
دوبهم دكـو عـن دلالـه الربـع الحشـام
تحتها من وقـدة السمـر جمـر ٍ مجثـوي
دايم وربعـه علـى جلسـة ٍ عنـده حيـام
ابلـج ٍ ليـن جنابـه لربـعـه وحـمـوي
مالي الا هي .. لياجـا للاشـواق أحتـدام
وقامت الذكرى على القلب تكوينـي كـوي
لي شهر وشوي عينـي محاربهـا المنـام
ودي احضـر جـوازي وادورلـي خـوي
بينـي وبينـه مسافـات وحـدود ونظـام
واحـد ٍ فرقـاه شاويتـن فـوادي شـوي
بس ابـا ازوره مثـل مايـزارون الكـرام
لين عينـي مـن قبالـه وشوفـه ترتـوي
لو بغيت اصبر .. واكابر .. واقول اني تمام
ذيب حبه بيـن جـرد المحاديـب يعـوي
كان مالي في دروب الهـوا شـف ومـرام
لين شفته .. واشهد انـه هـواة المهتـوي
ياسـلام الله علـى السلهمـه والابتـسـام
وياسلام الله على اللـي مابيلـه مطـروي
كن مالله حط في منطقـة خصـره عظـام
وكن غيره ماحتوى مثـل ماهـو محتـوي
لاقعـد مـاوده يقـوم .. وليـاقـام قــام
تلوي اعنـاق البشـر قومتـه يمـه لـوي
تقل بين اعلا الجسم واسفل الجسـم انقسـام
شي من جسمه مرتـب وشـي ٍ فوضـوي
استلمنـي فـي جبروتـه اشـر اسـتـلام
ليـن طيّـح معنويـات راس المعـنـوي
الغـرام ليابطـش فيـك ملعـون الرسـام
مايعرف هـذا قبيلـي .. وهـذاك خلـوي
يكبـر الرجـال امـام المهمـات الجسـام
ويصغر الرجـال امـام الجمـال الانثـوي
مايتحمل نظرة العيـن .. وارخـاي اللثـام
لو باسه باس رحمـة حيـاة بـن جلـوي
مطلوب من الصديق العزيز الغالي اللي ورطني وراح اورطه وهو عاطل فاهم والف نعم 
فيه وفي بقية الاعضاء
قصيده للشاعر بندر بن سرور
اللي مطلعها يقول :
يامل قبلٍ كل ما مات همه ... دارت دواليب الدهر لين تحييه
بالتوفيق عطووووول بيك