اذا كان الخبر صحيح ياليت ياكد لنا واحد بكره عشان نشد الرحال لم الرياض وانا سبق وقدمت سابقا لكن ماقبلت شروطهم : الثانويه العامه واخذو شهادة الثانويه العامه فقط وانا معي شهادة الكليه التقنيه ولاكن رفضو شهادة الكليه وقالو تجيبونها بعد القبول وعملو لنا اختبار بعد يوم وكان رياضيات وانقليزي وحاسب الي سهل بإذن الله حليت للامانه بشكل مقبول في الرياضيات وبشكل ممتاز بالانقليزي وبشكل ممتاز بالحاسب لاكن وانا اخوكم لم اقبل لاكن قبلو 200 رقم او اكثر بشوي مو متذكر طلعو في موقع الحرس الوطني وناس يقولون يمكن ماقبلت انا لاني ثانويه عامه ( قسم شرعي ) وهم يبون علمي ماادري وكانت نسبتي في الثانويه ( 88 ) شرعي والعين ترعي وعلى فكره العمر اظن مو متذكر اقل من 25 او 26 سنه الي اكبر من كذا يحاول يسنع نفسه بحرف ( واو ) والكذب خيبه قدام عيني الي سجلو معي يكلمون معارفهم في الحرس بعد الاختبار واظن ان الواسطه شر لابد منه وحسبي الله ونعم الوكيل على من يقدر ان يغير الحال وساكت الي صار فيه ولد ززز بن ززز راس وصرنا فرع ! وارجو الدعاء لي الدعوه الطيبه من نفس طيبه ثلاث سنوات اودور على وظيفة جندي بالحرس وانا خريج الكلية التقنيه بمعدل 4.63 من 5 قسم محاسبه ومعي حاسب الي 6 شهور حسبي الله حسبي الله ونعم الوكيل