اقتباس:
المشاركة الأصلية كتبت بواسطة آبو مطر
استغفر الله العظيم واتوب اليكـ
يقول الشاعر :
خليك نايم بفراشك لين تشبـــع
تمدد وغمض عيونك وتمتـــع
تلفلف زين وتلوى وتنطــــع
حط راسك على المخدة ولاتتمنــع
اندعس بفراشك مثل الفرخ المنقــع
نام نوم الهنا غير النوم ماينفــع
ماعليك من الدنيا خلها تتصرقـــع
لاتتعب نفسك ولاحلامك ارجــع
شخر بأعلى صوت محد راح يسمــع
أغطس بالنوم مثل الطفل اللي يرضع
واصل ياخوك مايصلح النوم المقطــع
واصل الى ثلاث بعد العصر او اربــع
وش عليك تغيب الشمس ولا تطلــع
لاحق على الدنيا لاتفز ولاتتخـــرع
تمغط وتقلب واحضن المخدة بالاربــع
تدفى بفراشك ترى البرد برة يصقـــع
النوم أحسن من اللي في الشوارع يتسكـع
النوم أحسن من اللي في قعدته ماينفـع
النوم أحسن من اللي على العاير يتربــع
لاتهتم غيرك يسحبها ثلاث ايام او اربــع
ماهو فايتك شي والرزق يروح ويرجــع
واذا تعبت جنوبك الظهر والبطن تفــزع
مايلومك الاحاسد النوم عنه تمنــع
لايهمك تلحف بفراشك وبنومك تمتــع
لا وظيفه تبيني ولا ..حتى الجيش ما يبيني يا زين النوم بس
|
صح لسانك يا الشاعر ونقل موفق يا آبو مطر 