مساء الخير ياخواني

هذا الكلام كان يوم الاربعاء بتاريخ 27 محرم
تكملة لما حدث ذهبت للشركة وطالبت بحقوقها مره اخرى اعطوها نصف الراتب وسكتوها وقالو لها تعالي السبت عشان نعطيكي باقي المبلغ

ذهبت واخذت حقها ووقعوها على ورقة فاضيه من فوق ومن تحت مكتوب جزء في نهاية الورقة انها استلمت

المهم بعد ذلك قامت المديرة اللبنانية تستهزء فيها وطردتها مره ثانية بدون ماتعطيها شهادة الخبرة وباقي المبلغ

ويليت جات على الطرد لا لحقتها لخارج الشركة عند المصعد وضربة البنت وصحبتي دافعت عن نفسها وضربتها وجاء المدير وشاف الوضع قام قالها غير ادخلك السجن
واخذ المديرة اللبنانية وحضنها ويطبطب عليها وهذا الرجل سعودي وقبيلي بعد ياالقهر

وخرجوا من الشركة وهذا كان يبي يضربهم بس مالحق كانوا اسرع


المهم رجعوا البيت وش صار اتصلوا الشرطة عليهم وقالوا اعطونا والد فلانة

ليه عشان يحضر هو بنته لان الشركة رافعه قضية على بنتك بخصوص تهجمها على مرت القنصل البريطاني وقامت بتصويرها وتصوير بنات الشركة

وهي لا شافت مرت القنصل ولا تعرفها ولا صورت ولا شي

بس ماعرفت تتهمها بشي اتبلت عليها

حسبي الله ونعم الوكيل فيها

لي متى نعيش بها الظلم ولا احد نصفها ولا اعطاها حقها


بالعكس اتبلوا عليها وطلعوها هي الغلطانه

وش تسوي المسكينة وهي ضايعه وسط الاجانب

الشركة كلهم اجانب واغلبهم ماعندهم اقامات


ياليت تفيدونا وش العمل في موقف مثل هذا ؟؟؟



هي ماتبي غير باقي حقها وتبي حقها المعنوي والمادي ؟؟


وموضوع القضية اللي رافعينها لها ظلم وزور بهتان.....؟


حسبي الله ونعم الوكيل فيهم ربي اقوى منهم بإذن الله