اقتباس:
يالكلثمي تكفى عطنا معلومات عن الكلية البحرية
وطريقة الدراسة في الكلية
في انتظارك
|
تأمر امر اخوي شف مني
الشروط معروفه تبع القبول لطلاب الثانويه بالكليه البحريه
وبعطيك مثال بسيط ومختصر وخفيف عنها
1- ان تكون سعودي الاصل والمنشا وفق النظام الخاص للدوله وبالحوال المدنيه
2- ان عمرك مايتعدى الـ21 22 بعد ماتتخرج من الثانويه وان عدى عليه سنه ماراح يقبلون بس طبعا الواسطه فوق القانون
3-وترا يوم تقدم بالبحريه يدققون ع شهاده عن المواد العلميه الرياضيات والفيزياء واللغه الانجليزيه عموما يعني دايم ولاتقل تقديرك عن جيدجدا حلو الكلام من شان امورك تمشي بالكليه وبيصير لك اختبار تحصيلي عندهم بالمواد هذي تقريبا
4-وتكون لياقتك وجسمك وطولك حلو لازم
5-والاهم انك تحب السباحه لان شغلك بحري
6-ولازم لازم تكون فصيح وتعرف تعبر كتابة ولغويا يعني تكون واد روش هههههههه
هذي شروط استثنائيه يعني
اما الدراسه
ينطبق على كلية البحريه نظام الكليات العسكريه ومدة الدراسه فيه ثلاث سنوات وتنقسم السنه الدراسيه الى فصلين الفصل الدراسي الاول والفصل الدراسي الثاني والفتره الدراسيه لكل فصل منها 15 اسبوعا تقعد ياحبيب السنوات الدراسيه الثلاث في الكليه موزعه على ثلاث مراحل رئيسيه تسبقها فتره الاستجداد الي هي الـ45 يوم تبدا فيه من بدايه ماتدخل الكليه وتاخذ فيه جرعه مكثفه من العلوم والتدريبات العسكريه لين تصير تنتقل من الحياة المدنيه الى العسكريه تصير واد حمش هههه وهي الـ45 تبين كيف متانتك وقوتك بالكليه تستحمل ولا لا من شان نشوف تستاهل النجمه الي بنعطيه لك واسسس التدريب وحمل السلاح وتاصيل مبدا الانضباط في نفسه وتتعلم فيه اهمية الاخلاص والولاء والسمع والطاعه واضافه الى تدريبات ضمن التشكيلات العسكريه والبيانات الاستعراضيه المختلفه وطبعا بعد الـ45 تستمر بدراستك وكل يوم صباح حصه ميدانيه تدريب يعني بسيط وتتعلم المصطلحات البحريه ومواد الثقافه الاسلاميه والقران الكريم في السنه الاولى وينطلق على الطالب في هذي المرحله طالب اعدادي
اما المرحله المتوسطه السنه الثانيه يعني
تاخذ في ذي المرحله المواد الاكاديميها لبحريه ومنها تروح زيارات تعريفيه لسفن الاسطول الشرقي ومدارس القوات البحريه والتدريب العملي لماده الفنون البحريه كما يتلقى الطالب مبادئ في علوم الادارة وفنون القياده وهذي كله بالمرحله المتوسطه
المرحله النهائيه تاخذ منها المزيد والمزيد من المواد الاكاديميه والبحريه ومنها في العلوم الحاسب الالي والتطبيق العملي لانشطه التدريب البحري على السفن وفي المدارس البحريه اضافه الى اساليب التنظيم والاداره والتخطيط
اما دورات الطلاب الجامعين تختلف طبعا
ياخذون علوم سريعه وخفيفه وحلوه مثل التأهيل العسكري مثل ال45 ومثل ماذكرت فوق العلوم العسكريه عموما والقياده البحريه ووخلال هذي الفتره يشارك الجامعي في كافة الانشطه التعليميه والتدريبه والعسكريه والرياضيه
ووطبعا الكليه تنقسم الى قسمين علمي وكتيبه
العلمي بذكرلك المواد التي تدرس بالكليه
والعلمي يعني لو صرت علمي بعد التخرج راح تصير في المراكز التأهليه للقوات البحريه يمكن تكون بالكليه مدرس او لمراكز التعليم بقوة نفسها وين مكان
القران الكريم الدراسات الاسلاميه الانجليزي
الرياضيات الفيزياء القانون الدولي
الارصاد الجويه الحاسب الالي الهندسه البحريه
هندسه بناء السفن صيانه بدن وحصر عطب وعلوم البحار والمحيطات
فن القياده والاداره العامه والعمليات البحريه
والملاحه البحريه وانظمه التسليح والاتصلات البحريه
والتموين البحري والفنون البحريه والتدريب البحري
وانظمه عسكريه واصلحه صغيره وماده المشاة
وماده السلوك والمواظبه