السلام عليكم ورحمة الله وبركاتة
اسعد الله اوقاتكم بكل خير
قصيده رائعه بالنسبه لي وعاجبتني وما ادري عن ذوقكم بصراحه لكن اللي اتمناه هو انها تعجبكم
اترككم مع القصيده :
( وش فيه لوحبيت من زود وش فيه )
وش فيه لوحبيت من زود وش فيـــــــه ........... الحب نعمه كل نفسٍ وصلها
اقلوب خلقٍ ذاقت الحب تشكـــــــــــــيه ........... مرٍن يميل بها ومرنٍ عدلهـــا
أحد عماه الحظ واحـــــدنٍ يقديــــــــــــه ........... الله خلق هالخلق والله كفلها
لوأسعد الأيام ينباع نشريـــــــــــــــــه ........... بأغلى ثمن والبايره نعتزلها
الجود مايبني سوى بيت راعيـــــــــــه ........... والمكرمه بالحب قلبي حملها
الحب مثل النبت محتاج نسقيــــــــــه ........... بعض الجفا يفسد محاصيل اهلها
اللي فقد شيٍ ترى كيف يعطيــــــــــه ........... يعطيه روت ولايتمم عمــلهـــا
والحب لأجل الحب تسمى معانيـــــه ........... ومن حب نفسٍ كيف يقوى زعلها
وأن كان تبحث بي من عيوب ياهيه ........... ان شفت شيٍ من العذاريب قلها
وان كان تسمعني ترى الهرج تاليه ........... كلٍن يطفي ناره اللي شعلها
صويحبي لى صرت احبه ومغليــه ........... تموت عذال الهوى في مهلها
والله أحبه حب مانيب مخفيــــه ........... حبٍ سكن باقصى الضماير دخلها
وش فيه لو حبيت من زود وش فيه ........... الحب نعمه لكل نفسٍ وصلها