اهلا اخوي نواف اسعدتنا بالعودة ... فينك يا راجل

موضوع مهم صراحة ويمكن الكثير يعاني من هالموضوع ..

مع اني معجب فيك كثير اخوي نواف ..

ومع اني ما جربت لا العمل الحكومي ولا البنكي .. لكني مع :

اقتباس:

في احد يدورعن دفن بالحيا ؟ ويختلف من شخص لآخر , يعني فيه ناس عندهم طموح , والقطاع الخاص يحفز الأشخاص ذوي الانتاجية المميزة ,ويكافئ بقدر التعب, اما لو رحت للقطاع العام الي داوم جاته علاوته والي ماداوم برضه جاته , راتبه خلال 20 سنة يساوي راتب موظف بنك خلال 6 سنوات عمل , وحلال 100% بفتوى شيوخ وأعضاء هيئات إفتاء, الموظف الحكومي اكبر طموحاته البنك يوافقله على قرض ويدخل فيه سوق الاسهم ويخسره , وتستمر حياته مابين هموم حياته العائلية ومابين كوارثه الاقتصادية ولاعاد يفكر يشتغل ولا ينتج ويكون شعاره راجعنا بكره اما لوجيت للأمان الوظيفي فهو موجود , محد يقدر يقربلك طالما انت انسان تأدي واجبك بنسبة 60% فقط , اخر شي ماخاب من استخار بالتوفيق للجميع,,,

اشوف الان اكثر الشباب يفضلون القطاع الخاص ..

باختصار لانهم اطلعوا على المميزات اللي ممكن يقدمها ..

اما قضية ان العمل الحكومي فيه امان .. وانه ما احد يقدر يتعرض لك .. على الرغم من صحتها

الا انني اعتقد انها موضة قديمة ..

تحيتي لك اخوي نواف .. وتبقى وجهة نظر

* ملاحظة : ادري ان مصيري للوظائف الحكومية