لحن الحياة ... شودي ستايل مشكورين على الرد

أنا سبق قدمت على دبلوم التأمين الدفعة اللي راحت ..

كان اختبار تحديد المستوى والمقابلة الشخصية في نفس الوقت

أول نختبر ساعتين ... ثم المقابلة 10 دقائق لكل بنت


بقول لكم عن طريقة اختبارهم ..

اول شي الاختبار 4 أقسام

أول قسم وزعوا علينا أوراق فاضية وأقلام رصاص ..وكتبت الأستاذة على السبورة

سؤال بالانجلش ونجاوب عليه .. على فكرة الاستاذات كلهم أجانب .. ويتكلمون معك بالانجلش..

السؤال كان :

why do you study at alymamah college ?

و قالوا اكتبي الإجابة مثل ما تحبين 5 اسطر , صفحة , صفحتين ... ما حددوا

بعدين بدأ القسم الثاني للإختبار : وزعوا علينا أوراق اسئلة .. وشغلوا الشريط

ونبدأ نحل على الورقة مباشرة .. وكانت فقرات الإستماع كثيرة

بعد الإختبار بدأت المقبلات ..

و المقابلات مرة سريعة .. أقصد ما تنتظرين كثير لين يجي دورك

و الاستاذات اللي يعملون المقابلة كلهم أجانب .. والمقابلة كلها بالانجلش

سألوني من وين تخرجت ؟؟
كم عدد أفراد أسرتي ؟؟
هواياتي ؟؟
عمل الوالد ؟؟ <<< أحس السؤال هذا مرة مالة داعي
و أسئلة ثانية نسيتها ..


صراحة وقت المقابلة .. كنت أحس إن لغتي مرة ضعيفة
يعني حسيت نفسي زي الشغالات لما يتكلمون عربي


أتمنى إن عطيتكم فكرة كاملة عن الإختبار .. إن شاء الله تستفيدون منها

الله يوفقكم يا رب..

ادعولي ودي أقدم على دبلوم إدارة الخدمات المصرفية باليمامة ...
بس مرة محبطة ومعنوياتي صفر