اقتباس:
المشاركة الأصلية كتبت بواسطة ميارااا
عاجل
أخي فتى نجد
وحده من صديقاتي أبوها بيروح للصين بعد أسبوعين لشراء بضاعه لمعرضه التجاري .....
وانا افكر أوصيه بفلاشات غريبة وأشكالها مميزه طبعا بمبلغ بسيط مثلا(( ألفين ريال ))
لاننا لا نكاد نجد فلاشات مميزة وبأسعار معقولة ___ أصلا مافيه أشكال بناتيه وكيوت ومميزه __
أسوقها عن طريق المدارس خصوصا مدارس تطوير اللي يعتمدون عليها بشكل كبير بسبب استخدامهم تقنية الدراسة بالحاسب الآلي و البنات فيها يبحثون عن الفلاشات (USB) ميموري بأشكال حلووة
وهذه الأيام لا يوجد شخص إلا ويحتاجه بشكل أساسي
أو اسوقها عن طريق المحلات الفاشلة في محافظتي (( أحدى محافظات منطقة القصيم ))
اللي ما يهتمون بهالأشياء ابدا
((( يعني المنتج عليه طلب ولا يوجد عليه عرض )) العرض أقل بكثير من الطلب
بس المشكلة ما أضمن جودة المنتج أخاف يصير مايشتغل او بسرعة يتعطل
هل اعتمد على أبو صديقتي في تجربة العينات وأختيارها
هل من الممكن ان ابحث عن صوررللمنتجات وأختار الأشكال وهو يتأكد من الجودة
لأنه بنته تقول عطين مواصفات أو صور وابوي يجيب لك (( من وين ما ادري))
هل من الممكن أن يجد طلبي بمكان قريب من أماكن بيع الأثاث لأنه يبحث عن الأثاث وقبل راح وعارف بأماكنه بس طلبي ما أدري من وين مكانه ؟!!! ماودي اكلف عليه فرفرة بالصين ما يسوى
(( على فكره انا ابغى من اسواقهم العاديه حقت الجملة وطبعا مايحتاج شحن ))
هي مجرد فكرة و معاي أسبوعين بس لأتخاذ قرار
أكمل والا اتجه لمشروع آخر في بالي .. |
حياك اختي ...
بخصوص فكرتك أنا اقول ماشاء الله تبارك الله عليك 
, لأنك فعلاً حددتي منتج مميز جداً جداً وبالصميم , وفعلاً عرفتي تختارين هدفك وبقوه ماشاء الله وهذا يدل على حسك التجاري العالي ..... الزبدة 
/ انا اقول اتكلي على الله وعلى مسؤليتي الكامله اذا ما نجحة هالشغله قولي ابو خالد ما يفهم 
, ويشهدون علي الأعضاء .
طبعاً بعطيك فكره عن المنتج من واقع تجربه سابقه لي شخصياً في الصين وهي :
ــ انا سبق وجبت كميه من الفلاشات ولكن تورطت فيها 
لييييش ؟ لأني في امور الكمبيوتر ومشتقاته 
على قدي مرررررررررررررررره أو بصراحه ما عندي سااااااااااالفه , ولكن لقيت فلاش كان بسعة ( 32 جيجا ) وكلمة واحد اعرفه بالرياض وعنده محل اجهزهة كمبيوتر وعطيته المواصفات والسعر وهو الي جزمني وخلاني اشتري , ولكن يوم وصلت البضاعه للرياض اكتشفة المصيبه , وهي إن الفلاش كان ما يحمل ملفات ولكن يحمل مقاطع فيديو وصوت يعني حسب ما اذكر كان يحمل برامج ( الريل بلاير ) فقط 
. (( طبعاً وش سويت وقته جبت ام خلودي والعيال وصفينا الفلاشات قدامي بمقلط الحريم على سجاده كنا تونا شارينه من القفاري وحطينا خلفيتنا قطعة كنب نفرين شارينه من مفروشات العمر واخذنـا صوره تذكاريه مع الفلاشات :o )) لاتصدقون هههههههههههههه ترا موضوع الصوره مزحه .
لكن من جد اقولك اتكلي على الله وجيبي منهن ولا تشيلين هم , ولكن بعطيك بعض النقاط وهي :
1/ اطبعي مجموعة صور يعني عشر او عشرين او ثلاثين صوره لفلاشات تحسين انها كيوت ومعجبتك وحطيها بملف وعطيها ابو صديقتك عشان ياخذها معه ويدور عليها أو على الأقل حول اشكالها , يعني حاولي تساعدينه بتوجيهه بموضوع الذوق المطلوب منك .
2/ طبعاً يصير عندهم بعض التلاعب يعني ممكن يكون مكتوب على الفلاش ( 5 جيجا ) ولكن فعلياً هو ( 1 جيجا ) عشان كذا انتي شوفي وش الطريقه العلميه للتأكد من هالمشكله وعلمي ابو صديقتك فيها عشان هو يجربها هناك ويتأكد منها , طبعاً ماراح يجرب كل الكميه ولكن على الأقل يجرب عينات عشوائيه .
3/ بما أن ابو صديقتك تاجر فمعناه انه يتعامل مع مكتب هناك وفي هالحاله الرجل ماراح يتعب ويتبهذل عشان الفلاشات , لأنه ممكن يوصي أي واحد هناك ويجيها له بكل بساطه .
4/ طالما انه رايح عشان يستورد اثاث فهو أكيد بيسكن في مدينة ( قوانزو ) ومن حظك ان المدينه هذي مليااااااااااانه فلاشات وبأشكال روعه وخرافيه ولا تطري على بال احد وبأسعاااااااااار بلالالالالالالالالالالالالالالالالالالالالالالالال الالالاش , وممكن تاخذين حسب الكميه الي تبينها حتى لو عشر حبات بس ممكــــــــــــــــــــــــــــــــن .
5/ بما يخص التسويق ... ماشاء الله عليك انتي حددتي المنتج والشريحه المستهدفه .
وموفقه بإذن الله ,,,