السلام عليكم
يسعد صبآحكم ياشعب البطآله ..
جآيب لكم قصيده اتمنى تنآل اعجآبكم الرآئع ..
000
الرنـج ابيـض .. ولوحاتـه سعوديـه
صفرين واحد .. مع السيفين .. مرسومه
ألفين وتسعه .. به الشاشـات ..ماريـه
والجنط عشريـن .. والليتـات مزمومـه
زينون وليته .. يشابه.. عيـن بحريـه
شيهانتن .. في سماها .. تبعـد الحومـه
إتشارجر اسبورت.. والكشنـات ثلجيـه
مكينته .. من بلدهـا .. جـات ملغومـه
إقزوز سستم .. وله .. نغمـه رياضيـه
مثل الرعد .. في سحايب خير ..مركومه
يشبه لطيارتـن.. ف الجـو .. حربيـه
من صوتها ..طبلة الأذنيـن .. مخرومـه
شاريه .. ماني (.. أنا ..) .. آخذه عاريه
من شركة السيف .. والاوراق مختومـه
مانـي بمتقسطـه .. شـاريـه نقـديـه
ابقيمتن .. تعجز الطماع ..مـن سومـه
تسعين .. متجاوز السرعه .. ورا ميـه
وأمن الطرق.. عاجزن.. لايكتب ارقومـه
لحدودنا .. نيتـي .. ذيـك .. الشماليـه
لا أجتازها ..خافقي ..بيفارق.. اهمومـه
بيروت.. هي وجهتي .. والنيـه ..النيـه
ب افراحها.. ترتوي.. اقلـوب محرومـه
ب الثلج ..يمكن نطفي ..جمرتـن حيـه
ولا .. يشب الخفوق..ويحـرق اهدومـه
ماكل منهو .. مسافـر .. يقتـرف سيـه
أخاف ربي .. ويوم الوقفـه .. إنصومـه
وداعة الله ... بلادي .. يـا السعوديـه
وداعة الله .. حبيبن ... ضاعت إعلومه
م.ل