بصراحة المشورع يكسب ذهب

أنا صارت لي تجربه في هذا الموضوع وعرض على هندي أشاركه في المشروع هذا أستفسرت عن كل الجوانب في هذا الأمر وتوكلت على الله وشاركته

بداية المشروع طلب مني 1500 ريال حقت البطاقات وقال لي أبدفع لك باليوم 10 ريال وبعدين قال كل عشرة أيام تاخذ 150 ريال وفي الأخير قال أبي أدفع لك كل شهر 300 ريال قلت مافيه مشكلة

المصيبة العظمى إني طحت في هندي عليه ديون من الشركات وكلن يطالبه بمبلغ مادي وصار ياأخذ من فلوس البطاقات ويعطيها الموزعين لأن بعضهم له شهور وهو يطارد ورا الهندي علشان يسدد الديون اللي عليه وصرت أنا الضحية ويالله كل يوم مهاوشه وفي الأخير وبعد تعب أخذت فلوسي وحرمت أدخل مع أي واحد ماأعرفه

على فكرة المبلغ اللي كنت آخذه هو الربح من البطاقات ورأس المال آخذته يوم فضيت الشراكه معه

ماعليه أتركوا مغامراتي على جنب واللي أبي أقوله وهذا المهم ؟؟؟

المشروع يكسب ذهب زي ماقلت

البطاقات يشتريها الهندي من البطحاء بسعر رخيص على كلامه على ماأعتقد إن البطاقة اللي سعرها ( 10 ريال فيها 2.5 )

نصيحة لاتشارك أحد في تجارتك حتى لو كان أخوك لاأحد يزعل من كلامي

بصراحة مبلغ ألف ريال مايسوي شيئ بالمرة يعني مايستاهل تعبك لازم يكون أقل شيئ معك من 10000 إلى 5000 ريال بالعربي دبر نفسك لو تتسلف مع إني ماأحب الدين

لكن إذا ماقدرت تدبر المبلغ مافيش مشكله إبدأ مشروعك بس يبيلك صبر لأنك تبي تلف على المحلات والمبلغ اللي معك قليل

لازم تتابع مشروعك أول بأول مافيه شيئ إسمه تكاسل أو خذلان واللي يبي يدور الفلوس وينجح مشروعه لازم يتعب


آسف آسف جداً على الإطالة والله يوفق الجميع للرزق الحلال






إخواني وأخواتي ماأطلت في هذا الموضوع إلا لكي أفيد من خلال تجربتي وأتمنى أن أكون قد أوصلت المعلومة بشكل صحيح سليم