يا أخوان والله ما سجلت إلا عشان اقول لكم هالكلمتين ......

بالنسبة للتقديمات سألت احد الزملاء في الرياض يقول حاليا ما فيه أي تقديم لا معهد ولا شرطة ..

والله ما أنصحكم يا أخوان بالقوات البحرية ، لا المعهد ولا الشرطة العسكرية إلا إذا عجزتم عن التسجيل في الأمن العام لأن في وجهة نظري والله العظيم جندي في الأمن العام أفضل مليون مرة من وكيل رقيب في البحرية .. وبأوضح لكم ليش ..

بالنسبة لمعهد الدارسات الفنية البحرية بالدمام ..
مدة الدورة 3 سنوات طبعا تتخرج بعدها برتبة وكيل رقيب فني بحري للعمل في القوات البحرية تعيينك بيكون على السفن الحربية في جدة أو الشرقية إلا إذا معك واسطة جامدة جدا ممكن تتعين في الادارات وكذا ..

والمعهد نفسيييييية ويجيب المرض ..

فالنتيجة انك منكد طول حيتك صح راتبك أول ما تتعين حول 7600 ريال لكن السفن مرض ونكد كل يوم وانت طالع بحر دورية ولا يجيك سفرية كذا ولا كذا المهم انا ما انصح بها ...

وبالنسبة للشرطة العسكرية ..
فهي دورة في احد مراكز التدريب التابعة للبحرية إما مركز التدريب البحري بجدة أو مركز التدريب برأس الغار الدورة مدها 3 أشهر فرد اساسي ودورة تخصص الشرطة على حسب بعض الدورات 4 أشهر وبعضها 6 أشهر يعني في الحدود هذي والشرطة عملهم استلامات تستلم يوم (24 ساعة) وتسلم يومين (48 ساعة ) خلال اليوم هذا يلحقك خفارات تستلم 6 ساعات وتسلم 6 وبعض الاحيان يلحقك دوام ..

طبعا الشرطة العسكرية في جدة تختلف عن الشرقية تختلف عن الرياض ..

أنا اسمع من الزملاء ان اللي يتعينون في الرياض مرتاحين والله اعلم ...

أي استفسار تحت امركم ..

أخوكم من منسوبي القوات البحرية الملكية السعودية ..