آآآآآآآآآآآآآآآآآه كل البلا والمصايب من الواسطات

من يووووم ماتخرجت من قبل عشر سنوات
سمعت إن فيه تقديم للدراسات العليا

وركض أجهز أوراقي وملفي وأطلع به على الكليه

طاااالعت فيا المسؤوله

قالت تمام بس روحي جيبي كشف عام بدرجاتك لسنوات الكليه الأربعه

وحده الله يسعدها ساعدتني وجابته

طيب خلصنا

قالوا روحي سوي مطابقه من الكليات اللي درستي فيها

لأن سنوات دراستي كانت متفرقه بين جده ومكه

قلت طيب

رحت من هنا لهنا وهجوله وبهدله

قالوا ممتاز

روحي جيبي لك توصيه من 2دكاتره في نفس تخصصك

رحت والله يسعدهم ماقصروا معايا

رجعت للموظفه

طااااااالعت فيا بس هذي المرء بازدراااااء نظره عمري ما أنساها

قالت ياماما التقديم على الدراسات العليا غيييييير مسموح للمتفرغات إما تكوني موظفه أو معلمه

قلت طيب الموظفه والمعلمه ليه ياخدوا دراسات عليا!!!!

ولييييه خليتوني اتمرمط رايحه وجايه

الله لا يسامحهم لو قالوا من أولها مافي فايده كان أحسن

قالت النظاااااام كده

قلت طيب يالنظام

بعد فتره يمكن شهرين

وحده من المتخرجات من نفس دفعتي جاااااتها الموافقه على الدراسات العليا!!!!!!

طيب أنا مجموعي أكبر...مافي فايده
طيب درسوني معاها.....مافي فايده
طيب كيف تاخد دراسات عليا وهي راسبه يعني مرتبة شرف ماااافيه....كمان مافي فايده

الشغله كللللللها كوووووووووووووووووووسه وواااااااسطه

الواسطات في بلادنا أس البلا لا والله هي البلا كللللللله

ومن هذاك اليوم وأنا أهيم على وجهي

اللي يطلبوا شهادة خبره طيب خبره من فين وأنا مااشتغلت قبل كده

واللي يطالبوا بعمل بـ3000ويعطوني1500

وغير وغير

واللي يبغى آلآف ويوظفني

الله الغني

قعدت في بيتي

طورت من نفسي ووقفت على نقاط في شخصيتي

والحمد لله على كل حال

لكني مازلت

عاطله ومتفائله