19-02-2009, 02:46 AM
|
عضو سوبر
|
|
تاريخ التسجيل: Jun 2007
المشاركات: 321
معدل تقييم المستوى: 79
|
|
اقتباس:
|
الأغنام:أفضل المشاريع ربحية ويفضل لمن ليس لديه راس مال أن يشتغل بالتسمين
|
الله يعطيك العافية
هذا المشروع هاجسي من زمان
لكنه يحتاج راس مال مجزي نوعا ما
الاغنام تلد كل 6 اشهر
واصحاب الاغنام لهم طرق يجعل الشاة تلد توأم
اخوي انا عندي كم مشروع فيها ارباح جدا ممتازه لكن بالبداية ليس فيها عائد مادي
اولها اشراف على فلل تحت الانشاء
بالبداية تاخذ على الفله من 5000 الى 10000
بعدها والله ماتشرف الا من 50000 وطالع
قبل عدة ايام احد الزملاء يقول فيه شاب عندنا مشهور بالاشراف على الفلل
جاه اتصال والحال بان يمسك اشراف على الفلة ب 100.000 مائة الف ريال
للمعلومية المشرف لو كان يمسك 10 فلل بالسنة
العمال ومتعامل معاهم وربما يفكر انه يكونون العماله على كفالته وهو بذلك
يضرب عصفورين بحجر عماله يشتغلون تحت اشرافه وياخذ نسبة من العماله واشرافه على الفله
المشرف على الفلل يجي كل يومين يشوف الشغل يعني مو ذاك التعب فيها
لكن بالبداية راح تواجه صعوبات نظراً لقلة الخبره في هذا العمل
ثاني المشاريع
محل كمبيوترات مع وجود فنيين صيانه والله فيها ذهب
ثالث المشاريع
محل ثلاجة لبيع الدجاج المبرد
ويتم تقطيع بعض الخضراوات
ووضعها في اكياس صغيره وتباع الكيس الواحد بريالين وهي لم تكلف نصف ريال
وفيه ادوات واغراض الطبخ والرحلات الخفيفه
قد يستحقر البعض هذا المشروع لكنه فيه ذهب ويستحسن وجود المحل قريب من سكن العزاب
رابع المشاريع
استئجار مغسلة سيارات دخلها خرافي
خامس المشاريع
ورشة اصلاح الاجهزة الكهربائيه والثلاجات وغسالات الملابس
هذا المشروع لضمان نجاحه اكثر شراء سيارات صغيره عليها شعار المحل كبير
وتكون بمثابة ورشه متنقله لايجب جلب الاجهزة او المكيف او الثلاجه الى المحل
بل يتم تصليحها بنفس مكانها
للمعلومية اي مشروع غير مراقب من قبل المالك يندر نجاحه الا في حال تم ايجاره على العامل والمالك ياخذ غلته كل شهر
المشاريع كثيره جداً لكن هذا مايجول في راسي وكتبت على عجاله
|