ريمان الحلوه.. بيان انك انسه.. وبيان كمان صغيره.. عمرك ما تعيشين تجربتهم ان شاء الله.. لكن بما انك ما مريتي في تجربتهم مايحق لك تتكلمين عنهم وكأنهم هم اللي غلطانات.. وانهم الحكومة ماقصرت.. ومن هذا الحكي.. ما تحرق النار غير رجل واطيها...



اخوي بيربيكان.. اشكرك على هذا الموضوع..

يلامس اخواتنا المطلقات.. والله يعينهم على مبتلاهم فعلا مجتمع ماااايرحم..

المطلقة منبوذه..
في عملي اتعامل مع شرائح كثير.. ومنها شريحة المطلقات.. واعيش معهم فصول معاناتهم.. ومشاكلهم.. اللي ماتنتهي.. وللاسف مافيه رادع يردع الرجل...

والان صار الطلاق موضه.. يتزوج اولى يثبتها,, والثانية للعب فقط.. شهر شهرين وتتطلق.. ويبدلها بغيرها.. والاطفال ضحايا..


تتبهذل المطلقه بين المحاكم في اثبات نسب طفلها.. تتبهذل في 800ريال هل تصرف فيها على اطفالها؟؟؟

هل تتعالج فيها اذا مرضت..؟؟ وهل تسدد الايجار.. وهل وهل؟؟؟

كثير اشياء جدا.. وللاسف حكومتنا الرشيدة.. ما تحرك ساكن في هذا الموضوع.. ما تدري انه اذا استمر هذا الوضع وفي ظل الامكانيات المادية والمعنوية القليلة جدا اللي تقدم.. راح ينشأ عندنا جيل مهيئ للجرائم.. جيل عايش بالشارع..

للاسف المطلقة في ظل محاكم ومعاملات كلها رجال.. تتعرقل لازم وجود رجال يرافع عنها وويطالب بالاوراق.. واذا مافيه تموت هي وطفلها..

طفل المطلقه اذا ما اثبت ابوه نسبه.. يمنع من العلاج في اي مستشفى حكومي.. يمنع من الدراسة.. بعضهم الان وصلوا العشرينات.. يحلمون حلم انهم يجلسون على مقاعد الدراسة لو يوم واحد.. وانواع الامراض تكتسيهم لكن مافيه علاج لانه مالهم اي اثبات.. مؤلمة جدا واتعامل معها.. بنات وصلوا 16 و19 وبعضهم 25 و26 ماقدرت يوم تجلس على كرسي الدراسة.. حلمها انه يثبت نسبها وتدخل محو اميه..وتعرف تقرأ وتكتب.. ومؤلم جدا منظر طفلة 8 سنين أو 7 وهي فرحانه ووتتكلم عن طموحها وانها بتكبر وتتعلم وتصير دكتورة.. او معلمة.. وهي ماتدري انه صعب جدا في ظل واقعها .. لين تفيق حكومتنا الرشيدة وتنقذها..

مفروض حكومتنا.. في حال الطلاق.. اول شئ.. وشرط الزامي..
1-النفقه.. وتقتطع من راتب الزوج..
2- اثبات نسب الاطفال..
3- سكن لاطفال وامهم..

هذي شروط الزامية مفروض تجبرها الدولة على الرجال ويتعرض للمحاكمة اذا ما نفذها..

هنا بيكون تخفيف من الطلاق.. وضمان حقوق الطفل.. والام..