المشاركة الأصلية كتبت بواسطة ملاك البحر

المقاطعه فكرة حلوه لكن ماراح تتنفذ مع الاسف ..
بس ليه مايتصعد الموضوع اعلاميا ..نرسل للجرايد والمجلات نكتب بالنت بمواقع معروفه ونخليها على كل لسان ..والله الموضوع مسخره ..ياخذون على الطالب كم الف بترم والي يكرف المعلمين واخرتها مايحصل الا الف وثمان ..عيب والله ..

المشاركة الأصلية كتبت بواسطة اجاااااااازة

قرأت الموضوع اختي ساكوراء ... لكن يظل رأيي كما قلت في جميع الردود
وأظن في اول رد قلت اللي يبغى يدافع عنه نفسه عنده الاعلام
يعني حطيت حل مو بس حكيت وطلعت واللي قرأ ردي كامل بيعرف
وعلى فكرة انا درست بمدرسة أهليه بـ 1800 وجاني كرف ولا قلت بسوي اضراب

عالعموم .. وجهة النظر في قلة رواتب المدارس الأهليه وهذه مشكلة
وحلها ما يكون بمشكلة ... الحل صوتنا لا زم يطلع لو كل يوم نكتب بالجرايد
ترا كثر الدق يفك اللحام ... اكتبوا الموضوع اليوم وارسلوه لي خاص
واليوم الثاني تحصلوه بالجرايد .. أو اذا تسمحون لي اكتبه انا وبكره انزله بحول الله

هذا حل مااظن يضر احد بالعكس يمكن يفيدنا من غير ضرر لأحد

تحياتي للجميع والله يوفقكم

المشاركة الأصلية كتبت بواسطة عاطله عن الحياه

عزيزتي ساكوراء وثوره على المدارس الأهليه.

من وجهة نظري يستحقون من ينتقدهم فهم أكبر إستغلاليين لحاجة البطاله ولله الحمد رغم اني خريجه منذ سبع سنوات الا اني لم أتوظف لديهم لأنهم لا أمان لهم ولا ذمه ومعاملتهم نصب في نصب هذا ما أعرفه عن مدارس مدينتي.

اما التلميذات حدث ولا حرج معظم الفاشلات والوقحات هناك وانواع التطاول على المعلمات والاداره في صف التلميذات وجميع صديقاتي تركن الوظيفه عندهم بسرعه رغم حاجتهن لشهادة الخبره.

الأداره تجني الملايين وتعطي الفتافيت للمعلمات ولكن هل المقاطعه حل؟

لا أظن سوف تأتي سعوديات أخريات محتاجات جداًحتى لو كان الراتب الف ويتوظفن لديهم (ويادار مادخلك شر!).

الشعب معظمه تحت خط الفقر والله المستعان والحل كما أراه وأردده وانا مقتنعه به هو في إنشاء جمعيه لنا تحمي حقوقنا كما ذكرت في موضوعي على هذا الرابط.

https://www.btalah.com/showthread.php?t=87828

هذا هو الحل الوحيد فهل سنتحد لنيل حقوقنا من الجميع؟

المشاركة الأصلية كتبت بواسطة العاطل الباطل

طيب يعطيكي العافية ,,اسمحيلي اختلف معك لان لو قاطعناها احسن ما يجي لهم بيدورون على الابو مصرة ويجيبونهم والاجانب عند المدارس الاهلية افضل من السعودي لان الاجنبي ياخذ نصف راتب السعودي ,,الشيء الثاني انه علشان تتوظف في الحكومة لازم يكون عندك شهادة خبرة من شان تزيد عدد نقاطك .
الحل هو: ان تتفق وزارة العمل ووزارة التربية والتعليم على اجبار المدارس على رفع الرواتب والسعودة لان المدرسة اللي انا فيها مثلا فيها 30 مدرس النصف منهم اجانب وعدد الطلاب يتجاوز 500 طالب والرسوم الدراسية 15000ريال للسنة .طيب يقدر انه يوظف بدل الاجانب سعوديين ويرفع الرواتب الى 4000 ريال ,,لكن وين اللي يلزمهم؟؟؟