قالت مـن انت ؟ وقلت مجمـوعة انـسـان
من كل ضـد و ضـد تـلقـيــــــــــن فـينــي

فـيـنـي نـهـار وليـل وافراح وأحـــــــزان
اضحك ودمـعـي حـايـر وسـط عينـــــــي

وفينـي بدابة وقـت و نـهــا ية أزمـــــان
أشـتاق بـاكـر واعـطي أمسـي حنيـنــي

وأسـقي قلوب النـاس عـشـقٍ وظميـــان
وأهـدي حيارى الـدرب واحتـار ويـنــــي

واحـاوم صـقور الـهـوا حـوم نشـــــوان
وأســيّـل الوديــــــــــــان دمـع حــزينِي

فـي عيـني اليمنـى من الورد بـسـتــــان
وفـي عـيني اليـسـرا عجـاج الـسـنيــنِي

تـهـزمنـي النجلا وانـا نـد فـرســـــــــان
واخـفي طـعوني والـمحـبـه تـبـيـــــــنِي

امـا عـرفتـيني فــلا نـي بـزعـــــــــــلان
حتـى انـا تــرانـي احـتــــــــــرت فــيني