مدخل واحد + واحد = >>> الحل في المخرج السلام عليكم ورحمته الله وبركاته وشلونكم وش علومكم وش اخباركم وش تبون >>> بيتصفق تذكرت لي سالفه ليست طريفه وانما ممتعه >>> ياشيني لاسويت نفسي فاهم طبعا هي عن ايام الدراسه ( الثنوي ) >>> اللي ادفع نص عمري بس ارجع لها كان يامكان في سالف العصر والازمان كنت مودي امي للسوق بتشتري لها اغراض ويوم خلصت وشرت كلبو الاغراض قلت ماما ماما >>> اشوى ان حدك يمه قالت هاه قلت خاويني يمه لذاك المحل عشان بشتري لي كوت ( جاكيت) >> اعرف اتكلم كلام كشخه صح قالت يله قووه وندخل على ذاك السوداني واشوف لكم ذاك الكوت اللي يوم شفته بغى يغمى علي من زينه قلت يمه وش رايك بهذا قالت زين>> تسليك قلت هاته هاته وعطانياه قلت له بكم قال بـ 350 >> يبي يعلمكم انه غالي وكيذا قالت امي من زينه مايستاهل واصلا حنا لاقينه في المحل اللي جمبكم بـ 100 ريال لاتقعد تلعب علينا >>> الله من الصلخ قال السوداني خلاص روحو اشترو من المحل اللي يبيعه عليكم بميه >> يعرف يزبد هو وراسه قلت انا يمه وشفيك انتي هذا كوت ايطالي مايتقطع ابد >>> ايه هين قالت خلاص خذه >> وشريته ولله الحمد >>> طبعا الكوت اذا لبسته تحس انك ملك من كثر مهب حلو واذا مشيت به بين الناس كلهم يقعدون يناضرون فيك من كثر مهب حلو >> والله لو انه الكوت السحري >> الا وشهو الكوت السحري ؟ >> كف المووووهم >>> ترى من اليوم مادخلنا في الموهم كل اللي فوق مقدمه جاء مره من المرات ورحت للمدرسه طبعا كلبو اخوياي منهبلين عليه >> اشوى ان ماحد جاب خبره كان ذاك اليوم جاي متأخر المدرسه حول 7 ونص ولقيت واحد من اخوياي متأخر معي بعد وقعدنا نسولف انا وخويي >>> طبعا حنا واقفين مع شلة من المتأخرين والوكيل عندنا ينقص درجات وقلة حيا ومدري وش بعد الموهم يووم جاء دور اللي قدام خويي >>> عشان تنقيص الدرجات ويجي واحد من المدرسين ويسولف مع وكيلنا وأنشغل عنا الوكيل وقلت لخويي خل ننتهز الفرصه و ننحاش للفصل عشان ماينقص علينا طرجات قال لا ياخي خايف يمسكنا >> قلت سقها اجل بنحاش لحالي وانا اقوووم واتلطم >> اللطمه حقت المفحطين >> يعني ابن امه يعرفك ( ملاحضه انا لابس الكوت السحري ولونه بني وثوب ابيض وشماغ احمر ) الموهم واقعد امشي بشوي شوي >>> مثل مشية ترم ترم لاسوى نفسه حرامي واقول في بالي ترم ترم >> رايق وامشي بشوي شوي دون مايلاحظ الوكيل وامشي من وراه واتعداه وانا لازلت اردد ترم ترم ويوم وصلت الدرررج وفجأه >>> يسمع بالتشويق >> وتعلو صوت الموسيقى المرعبه والمشوقه >> متأثر بالافلام ولا أسمع صوت الوكيل يركض ناصيني و يقووول هيه هيه انت تعال تعال وين رايح وألتفت عليه واقول سقها بس وهااااااااااك ركض >>> حسيت نفسي قوي وانا متلطم وهو وراي يركض وانا اركض وهو يركض >>> تكفون تخيلو اشكالنا مع موسيقى اكشن وانا اركض وهو يركض وانا اركض وهو يركض >>> هاه بالله حسيتو بالاكشن >>> هذا اللي بينطرد صدز اكمل لكم >>> والله مهب سهل وكيلنا سريع >> بس اني أسرع منه ( طبعا انا فتحت باب للطلاب المتأخرين يوم شافو الوكيل يركض وراي وهم ينحاشون كل واحد لفصله هههههههه والزلابه المدرس اللي كان يسولف مع الوكيل ماعبروه الطلاب ولا عطوه وجه ولا اعتبروه موجود هههههههههه) المهم بينما انا أركض >>> اهم شي بينما واشوف فصلنا قدامي والباب مسكر >> الحمدلله كانت حصة فراغ ولا كان رحت بخبر كان وانا اركض وهو يركض وراي وأجي طايرررر بقوووه واسوي حركه تكونديه برجلي وأرجف الباب وانا مسررع وأدخل واصكه بقووه عشان مايشوفني الوكيل هههههههههههه وكان الفصل حوووسه وكل الطلاب قايمين عن محلاتهم واقووم بحركه سريعه جدا جدا وافصخ الكوووت واذبه في الارض >>> عشان مايعرفني من كوتي >> تحسون اني مصري على هالتفكير الخونفشاري صح >> برا ويدخل الوكيل الفصل وهو يتنفس بشده من كثر الركض ههههههههههه وانا بعد اتنفس بشده وهو يناضر الطلاب ويقوول وينه وينه اللي دخل قبل شوي والطلاب محد علم >>> والله انهم كفو يقولون ماندري ماشفناه >> يخبون على خويهم لبى تسبودهم ويقعد يصايح الوكيل ومعصصصب وينه ***** والله لو مايطلع لاألعن شكل شكله >> لاتستغربون ترى وكيلنا زاحف وانا جالس على كرسي ومسوي نفسي مؤدب وبرييييييييييييء مره واناضر الوكيل بكل براءه >>> ملكع ويقعد يدور في الفصل الوكيل ويناضر الطلاب واحد واحد >> يقاله بيكشفهم من عيونهم وجا عندي >> طبعا انا كنت اتنفس بقوه من الركض بس يوم جا عندي سويت نفسي مانيب تعبان ولا شي وحط عينه في عيني >> عاد انا كلش ولا هالحركه انكشف بسرررعه وقاعد يناضرني وانا مرتبك وخايف واساوي شماغي واطلع القلم واقعد اعضضه واسوي حركات غريبه>> من الربكه قلت وشفيك ياستاد>>> شين وقوي عين قال والله ان ماخاب ظني انه انت قلت وش سويت وش السالفه >>> يقاله الطالب البريء وسفهني ومشى وقعد يدور بين الطلاب وبينما هو يدور بين الطلاب لقى الكووت طايح في الارض ويشيل الكووت قال والله مهب سهل بعد ناطل اداة الجريمه والطلاب قاعدين يضحكون وانا اضحك معهم >>>يضحك وهو مكشر من الخوف قال الكوت هذا منهو له ومحد تكلم قال الوكيل حلوووو مشاء الله الكوت رهيب >> وقام ولبس الكوووت وقال حلوو بعد مقاسي >>> وانا قلبي يتقطع على كوتي وقال خلاص اجل الكوت راح عليه وقال هاه قبل ماأطلع من الفصل الكوت منهو له ولا والله مايرجع له وانا ساكت ومحتار والطلاب ساكتين قال بكيفه وهو يطلع بالكوت ومستانس به ويناضره >>> معجبه الكوت ناوي ياخذه يووم طلع ويقعدون يناضروني اخوياي قالوا وش بتسوي قلت والله مدري عاااد الكوت ذا غالي والله مايشمه لو ينقز >> وانا محتار واقعد افكر وش اسوي وش اسوي قال اخوياي مالك الا تروح له وتعتذر منه وتقول هذا كوتي قلت عشان ينعل ابو سلسفيلي >>> تكفون لحد يسألني وش معناها قالوا خله اجل الحصه الاخيره يمديه نساها وهدت اعصابه قلت مالي الا كذا يوووووووووووووم جت الحصه الاخيره وقلت لخويي خاوني للوكيل قال يله وانا اروح له والقا عنده مدرس واطق الباب بكل أدب فاااصل ونواصل >> مايقلد حركات احد كولقيت يخلي اسنانك تلمع وبيضا >>> بالله انطم بس عدناا واطق الباب بكل أدب >>> ووجهي احمر ومتفشل قال نعم قلت السلام عليكم قال وعليكم السلام قلت كيف الحال قال بخيررر الحمدلله قلت وشلونك قال اخلصصصص علينا يا حمد ولاقيه لابس كوتي بعد وانا اسكت قال وش عندك واقعد اناضر الكوت واحرك حواجبي >> عاد هو شك انه كوتي قال هاه قلت اللي عليك قال وشفيه اللي علي قلت حلووو قال بالله قلت وشكله غالي قال ايه والله غالي قلت شكله مرره غالي قال اخلص قلت ههههههههههههههههههههه >>> وصديقي طبعا ميت ضحك قلت ماودك ترجع الامانه لاصحابها >>> وش عنده المخرز اللي في ليالي الصالحيه قال أي امانه قلت الكوت بعد وشهو قال حلووو كذا صرنا واضحين يعني هو كوتك قلت لا مهب كوتي >>> اوهوووو قال منهو كوته قلت كوت اخوي ولو ماأجيبه له لعن شيطان ابليسي >> التسذب وافر قال تستااااااااااااااهل والكوت والله ماتاخذه الا لين يجي اخوك وياخذه قلت لا لا عاد ذي فيها ذبح وذبيح يمكن يذبحني اخوي واقعد أطلبه انا وصديقي يرجع الكوت ويعطيني مليون تعهد قال اندزلع قلنا الا الا >> نشبنا في حلدزه قال طيب عطني رقم اخوك قلت ماحفضته قال بعد قلت لا لا حافظه سجل عندك واقوم واعطيه رقمي حق الشريحه الثانيه ويقوم ويدق ويلقاه مقفل قال مقفل قلت خلاص عاااد وش نسوي عطني الكوت قال تدري اني لوني ماسكك الصبح كان ياويلك بس احمد ربك انك جيت هلحين بعد ماروقت قلت ههههههههههههههههههههه اقول هات الكوت بس >>> والله ياأن ماعندي اسلوب بعد قال وشهووووو >>> جته الزعله قال صديقي هههههههههههه حنا نمزح معك ياأستاد >> لبى قلبه ينفع في وئت الزنقه قال تدري ان عشرين طالب انحاشو بسببك قلت خيره مساكين عشان مايتنقص منهم درجات قال مشااااااااء الله الموهم وعطانياه وقال لاعمرك تعودها ولا تسوي نفسك ذيب على اللي أذيب منك قلت انا دايم ذيب بس ماطحت الا فيك يابو الذيابه كلها >>> ارفعبه واعطيه جوه عشان يستانس وقعد يضحك واستاااااااااانس وقال خلاص رح >>> وبس مخرج اثنين >>> يسمع بالمداخل والمخارج