بسم الله الرحمن الرحيم
حدثت القصه يوم الخميس 29/11/1429هـ
هذا واحد يأخوان طلع من الرياض وده يعس ويتفرج على الأمطار
والسيول الأخيره الي على القصيم والقصب وهو في الطريق وقف عند
صبخه يسمونها صبخة القصب تجيك قبل القصب على يسار الخط
المهم الرجال وقف سيارته على جال البحيره ونزل يتمشى
7
7
7
.
مادري الا الماء وصل موتره
.
.
.
حاول يطلع لكن ماقدر
كفراته صارت تدور في مكانها
.
.المهم ترك موتره وراح للخط يشر ويفزع له راعي حراثه
حاول يسحب الجيب
.
.
.
.
لكن صارت هذي النتيجه
.
.
.
حاولو وحاولو بس ماقدرو
.
وقاصت الحراثه
.
.
الحراثه تقول تكفون
طلعوووووني وش ألي لقفني اجي هنا
.
المهم طالعو يشرون على الخط ويجيهم راعي سقس
قال أبعدو عن دربي أنا لها
وماشاء الله عليه والله انه قدها
هع هع
وكانت هذي النتيجه
..
.
.
قال أبد هذا مكاني ،،،،،،، ولاحظ قرب خط الزفلت
وعرفوا ان الموضوع يبي يطول والدليل ترمس المويه!!
.
.
وطلعو يشرون على الخط ويجيب الله ذاك الدركتل
قال أبعدو انا لهاااااا
.
.
.
هع هع هع
وشوفو وش صار
.
راعي الجيب يقوال
من شفت الطاسه اللي حاطها ورى وانا غاسل يدي
من هول الصدمة قلبها سوري
(جيتك ياعبدالمعين بدياك تعين لقيت يا عبد المعين بداك تنعان)
المهم قالو الحل الوحيد والأخير هو الاتصال بالدفاع المدني
وفعلا جا الدفاع المدني علشان يسحب هاللي غاطسين
.
.
.
.
ومالهاااااااااااااااااااااااااااا الا رجالهاااااااااااااااااااااااااااااااااااا
والنعم في ابناء الوطن
كفوا والله
وشوفوا وش صار
.
.
.
.
.
.
وتركو الجيب والحراثه والوايت والدركتل
وحاولوا يطلعون الوايت
.
.
.
.
.
.
يوم انهم عجزو قالوا ما يفل الحديد الا الحديد
جيبوا ابو جنزير
ويجيك يتمخطر ويضحك على هاللي غاطسين
.
.
.
.
تتوقعون وش صار؟
قدر ولا ماقدر
غلب الجفاع المدني يعني؟
.
.
.
.
.
.
لكن جاه ماجا ربعه
تعلق اخونا في الله وقال هذا مكاني
.
.
.
وقامو يحفرون وحطو له خشب يبونه يطلع لكن ما فاد
.
.
وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد<<<بعد أيش بدري يخوي
ربطوا عدة وايرات في بعض وطلعو ابو جنزير ويقولون ان الدركتل ثاني هواللي سحبه على الزفلت
ههههههههههههههههه الصبخة ما يلعب معها
على الزفلت وعساك تسلم
.
.
.
.
ثم سحبو الدركتل
.
.
.
.
والحمدلله على السلامه
هذي من بعيد صورة للمعركة خخخخخخخخخخخخخ
.
.
.
.
.
.
يستفاد من الموضوع الاتي : -----
1- لاصار معك جيب لا تهايط اذا شفت السيل
2- حاول تستفيد من اللي توهقوا قبلك
3- مهوب كل من اتصل بالدفاع المدني يبي يطلع
منقول