بما اننا فاضين ماورأنا شي والخدمه المدنيه جالسه تماطل فينا
قلت بكتب موضوع نتناقش فيه عن حل للبطاله المتكدسه من وجهة نظر كل شخص على
وعسى حد بالغلط يلتفت لنا
الحل الوحيد والمثالي من وجهة نظري <<انتبهوا راح اقول كلام كبير متعوب عليه
اولا عندي نقطه بذكرها:
1-مشكلة العطاله سببها استقدام الاجانب وقبول الوافدين اللي يجون للعمل عندنا بتخصصات متاحه عندنا
يعني مادام انكم تدرسون طب وتقنيه والخ......
ليه تجيبون اطباء وتقنين وفنين أجانب وحنا يوم نتخرج مانحصل وظائف.
الـحـــــــــــل :
انهم يمنعون او يقللون استقدامهم لعدة سنوات ولو يكون على طول احسن ليه تعطونهم
فرصه في بلدنا وحنا ننحرم منها
ثاني شي استغرب لما يقولون العاطلين بنجمتع ونروح نقابل الوزير هذا مشكلتنا يالسعوديين
نبي حل جذري على طول نبي الوزير يسمع منا حنا .
مفروض نحاول نسعي لاشخاص قراب من اللي في يدهم الحل والربط على شأن يوقفون معنا ويدعموناعندهم
مو نوجه الكلام مباشر للقصيبي مثلا لان شفتوا طلع بيان طويل عريض يقول فيه
((الحل لمشكلة البطاله التدريب )) مو مشكله نتدرب اذا بتعطونا رواتب زي العالم ماينقصنا شي
عن المتوظفين حنا عندنا شهاده مثلهم وشفنا ميزانية الدوله مافيها شي اذا يعطونا رواتب بدل
مايعمرونا لبنان وفلسطين قال تعالى ((الأقربون أولى بالمعروف)
ولا يلعبون علينا بهالوظائف ((كول سنترل مسوقات ومسوقين)
يعني البطاله خلتنا يالبنات نوقع بشغلات كنا بغنى عنها أنا مثلا من كثر مارسلت سيرتي الذاتيه
صارت تجيني ايميلات فيه مواضيع بأسمي طبعاً أتحدا تكون صدف لا وواحد اشكره راسلي لفت انتباهي عنوان ايميلك اذا لك رغبه بالتواصل! ومسطر لي اسمه!!! << خير ان شالله انا قايله راغبه بالعمل مو...
طبعاً لاحد يقول ليش حاطه ايميلك بـ cv او مرسلتها لأن بجاوب واقول ابوي ماعنده ايميل
حنا درسنا تخصص معين ونبي نتوظف فيه انا يوم جتني عروض بالكول سنتر ايجنت قالي ابوي
الحين انتي دارسه عشان تصيرين سنترال << وجهة نظر ابوي واحترمها
يعني بظل هالغلاء اشلون الواحد يعيش من غير وظيفه اللي ابوها كان يعطيها على 300 هي واخوانها صارت 100
والمسوقات مو كل البنات يكون عندها مواصلات يعني ممكن تروح مشاوير وتدفع من عندها
ولاتطلع بفايده غير انه دفعت من جيبها..
بالعقل وش راح يفيدنا التدريب ولين متى نتدرب يعني لو واحد يبي يتزوج يروح يخطب وهو متدرب
كان طردوه شر طرده حنا نبي وظائف والله لويجتمعون الشباب من العاطلين وتيضامنون كان
تحرك وضعنا حنا يالعاطلات مابيدنا شي بس انتوا تقدرون تروحون وتجون لازم احد يأثر عليهم
لانهم بصراحه يبي لهم نطبق المثل اللي يقول كثر الدق يفك اللحام لا ويبي لهم دق متواصل
يعني بصراحه عيب عليهم الخدمه المدنيه كل يوم منزله أسماء ولما نبحث نكتشف انهم متعينين
من سنة جدي لا وبعضهم كان تعينهم على ورق وماباشروا عملهم والدور علينا <<شي يبشر بالخير .