المشاركة الأصلية كتبت بواسطة سلفرر

قال الذي حده زمانه علـى الضيـق
ويلاه مـن دنيـا غشانـي خطرهـا
تأخذني الدنيا علـى غيـر ماطيـق
وضيم الليال السـود حالـي دمرهـا
حلّق بي الحرمـان والهـم تحليـق
الى أرتفع نجمـي يطيـح أبحرهـا
مـدري تعاسـة حـظ والا توافيـق
والا عيونـي خـان فيهـا نظرهـا
عندي تساوى الوقت مافيه تفريـق
وأيام عمـري قـام يسقـط زهرهـا
طّوقني الحرمان بالخـوف تطويـق
وأضحك على نفسً تمـوت بقهرهـا
كثر التوّجد يحـرق القلـب تحّريـق
غبنه على من زاد عينـه سهرهـا
يحداني الهاجس عسيـر الطواريـق
يوم الهقاوي مابـدت لـي صّورهـا
تسابقـن مثـل الرمـاح المزاريـق
بيديـن عـدوانً تزايـد سطـرهـا
لا ياوجودي وجـد بنـت المطاليـق
لاشقت ثيـاب الحيـا مـن سترهـا
وجد اليتيم اللـي جفـوة المخاليـق
وياويـل حالـي كـان هـذا قدرهـا
لا الوقت وقتي والزمن يبّس الريـق
ووجز بشرح السالفـة وأختصرهـا
هـمً بقلبـي فـوق هـم المشافيـق
أحرق خفوقـي والخواطـر كسرهـا
تلعب بي أقداري جنوبـاً وتشريـق
وأشملـت لديـار الشمـال آخبرهـا
مريتهـا حافـي قـدم دون تعويـق
حتى حداني بردهـا عـن سمرهـا
ماجيـت أدوّر للحقايـق مواثـيـق
ولاجيت أعّـري زيفهـا وأحتقرهـا
جيت بشمـوخ الطيبيـن المطاليـق
اللـي مطاليـق اللحـى تعتبـرهـا
شمس الحقيقة كنها النـور توثيـق
اليا أشرقت غاب الظـلام بسفرهـا
عزمي وأعرفه فوق كيـد المطافيـق
أن ماكسبـت الغانمـة ماخسـرهـا
ماهمني مـن لفّـق الكـذب تلفيـق
تبطـي أعلومـه ماتبّيـن ثمـرهـا
والشجرة اللي شامخة تشبة طويـق
لاضـاق وقتـه جالهـا ويخبـرهـا
لو أحسبوني من حساب العشاشيـق
عمر الموده ماشكـت مـن أسرهـا
مايجتمـع قلبيـن بيـن المخاليـق
الا وحديهن روحـه اللـي سحرهـا
أنـا هنايـه مايجـي بالتشافـيـق
قصـة غريبـه ماتكّـذب خبـرهـا
وقعت فيها غصب من دون تبريـق
وأضفت علّي أترابهـا فـي حفرهـا
أن صحت مابه صوت وأزريت لاويق
ومن شاف له صوره تعيسه ذكرهـا



>> شمووووووخ الذووووق<<
ااااالله الله يا شمووووخ
اعجبتني جدا كلهاااااااااااااااااااااااا
الله يعطيك العافيه يا شموخ الذووووووووووووق
على هالذووووووووووق
تقبلي
>> تحياتي <<