قصيدة: زهر الفل 
للشاعر: محمد الأسمري
مساء الورد والجوري وزهـر الفـل ووصالـك
مساء الشوق للضمه.. مسا يعلـن لـك أشواقـي
طرالي هاجس الذكـرى بظلمـة ليلـي الحالـك
وجيتك ناسي(ن) همي مشيت ولا أتعبـت ساقـي
خذتني نشوة أشواقي على شـاط البحـر جالـك
وفليت العلوم اللي خفـت لـك داخـل أعماقـي
فتحت إلك الطريق اللي ورى شاطيه مرسى لـك
وقلت أبحر ولك خيـره إذا جـوي لكـم راقـي
تأملتـك مـن الدنيـا أكـون القصـر وأقفالـك
قوانيـن الغـلا عنـدي ونبـع الحـب رقراقـي
أبي أسكنك في عيني وأبي اطـري علـى بالـك
وأفجر بالغلا صمت القصيد ولا اجمـع أوراقـي
زعلك اليوم مزعلنـي.. ومـا قلتـي تهيالـك!!
ظلمتينـي ولمتينـي وزدتـي فينـي احـراقـي
نسيتي كـل ماضينـا .. وقلـب(ن) بالغـلا شالـك
تعمدتـي تصدينـي مـثـل نيـتـك بفـراقـي
الين اليوم ما أصدق.. نكرنـي وافـر أظلالـك
عليك الله.. وش هذا ؟ وش اللي صار؟ وش باقي؟
تعالي مابقى في العمـر كثـر اللـي تعنـى لـك
يبيك القلـب وأشهـد لـك بانـه فيـك عشاقـي
أحبك في الجنوب جبـال ريـح الهيـل بدلالـك
واحبك هامة(ن) ترقى ويعجـز دونهـا الراقـي
ملطوشه لعيونكم