سلام شباب وبنات
في البدايه انا قريت كل الردود والي يبغى الكلام الصدق بدون مبالغه يسمع
طبعا انا بكالريوس تمريض ولسى متخرجه من الامتياز ودراستي كانت 5 سنوات سنه بالجامعه والباقي عملي وبالجامعة وطبعا عشان طبيعة دراستي تقريبا درت كل مستشفيات الرياض من الشميسي للتخصصي مرورا بالباقي طول هذي الفتره حمد الله ولا عمر احد علق ولا قالي لاتغطين ولا افتشي ولا غيره والناس الي مستواهم مش ولا بد مستحيل يقدرون يكلمونك اذا شافوك محترمه نفسك ورسميه الاوالله غصبك عنهم يحترمونك فلا تقولون قلة ادب وما قلت ادب الي رايحه تشتغل وبس بتشتغل والي رايحه لاهداف ثانيه بتلقاها (سوري) انتي امشي ويعيونك بدربك مو يمين وشمال والله بيوفقك وبيسهل امرك

اما بانسبه لمستشفى الحرس انا اليوم لسى اختبرت عندهم اختبار للماستر وقبل فتره اختبرت اختبار لوظيفة مثقف مرضى
اولا بنات التوظيف ثنتين وربي جدا محترمات ومتسترات ومتعاونات والي يختبرونك كذلك واختبار الانجليزي فاصلين البنات في قاعه والاولاد في قاعه (مع انه في المستشفيات بالعاده مع بعض)واغلب البنات الي يجو يختبرون متسترات (الله يوفق الجميع) وللامانه اختبار الماجستير اليوم كنا الاولاد والبنات مع بعض بس عملو شي جدا عجبني دخلو البنات اول وشرحولهم وجلسوهم في ناحيه لما خلاص استقروا دخلو الاولاد وخلوهم في ناحيه ثانيه(الله يجزاهم خير)
الحرس اوووووووووووووووووووول كان من جد يقولون ما ناخذ المتغطين لازم تفتشين وتلبسين بنطلون وتكونين (متفتحه)ههههههههه بس الحين الشخص الي كان يطيبق هالنظام خلاص شالوه وحتى قلت نسبت الاوروبيين عن اول لانه بدو السعوده في المستشفى فبصراحه الي انا شفته والله كان شي يطمن نسبيا بالنسبه لبعض المستشفيات الثانيه



والاختبار ما كان طبي نهااااااااااااائيا كا شامل والقواعد الي حاطينها من كثر ماهي سطحيه صارت صعبه تخيلو في القواعد جايبين few ,و many ومعدود وغيرمعدود وthe ,a يعني بعض الاشياء والله سخافه والاشياء الصعبه والمهمه مثل الماضي والمضارع والمستقبل ولا شي عشان كيذا بالنسبه للقواعد ذاكروا كتب تركز على القواعد الاساسيه مثل english grammar in use الي لونه احمر يحتوي على الاساسيات بس بس حاولو تجيبون كتاب فيه الاجوبه وراء عشان تعرفون اذا حلكم صح او خطاء وركزوا برضوا على ال modal verbs (can,could,.....)
اما بالنسبه للسماعي ماكان مره صعب ولا مره سهل بس انتي اقري الاختيارات قبل بعدين اسمعي الصوت وركزي
والكلمات ومعانيهامو طبيه منوعه ومو مره سهله (انا مستواي بالانجليزي بالكلام والمحادثه حلو بس على الورق والقواعد اضيع فلا تقولون الاسئله صعبه تعتمد على حسب الشخص ورجاء لا احد يستهين بنفسه)

والقطع والله حلوه واسئلتها كويسه انا لما اختبرت كانت عن السيارات والعين ونوع حشره

طبعا الاختبار عباره عن 100 سؤال خلال 140 دقيقه وبعد كيذا يسكر الجهاز من وحده
والنتيجه تاخذونها اول ماترجعون البيت عن طريق موقعهم

طبعا انا للاسف اخذت في الاختبار 61 (على الورق اتنح بس بفك الحنك ابعدوا عني ) وصديقتي بالكلام مستواها تقريبا اقل مني بس بالاختبار جابت ما شا الله 68 (يعني لا احد يقول لنا ماراح اجيب لاني ما اتكلم زين )
بس ما قلولي عيدي ولا شي قالو ندق عليك



بس ما ادري هل راح يتغاضون عن الاربع درجات او لا لانه ملفي حمد الله يفتح النفس بس ما ادري اذا كان الاعتماد الاساسي على ال65 او لا
واتذكر مسؤله التوظيف تقول ممكن نحطكم على نظام السعوده بس ما ادري وش معنى هالكلام (الي عنده خلفيه لا يبخل علي ) بس تقول يكون راتبك قليل بس مو متاكده

في النهايه اسفه عالاطاله يارررررررررررررررب اكون افدتكم لو بجزء بسيط والله يوفقكم كلكم يارب ويكتبلكم الي فيه خير
واي اساله ممكن اجاوب عليها عيوني لكم انا حاضره