طبعاً ماهي جديدة .. الجديد في الموضوع .. إن الهدف منها توصيل رسالة المواطن ..
بمعنى آخر .. تكون صورة مشاهدة ومسموعة ومقروءة لمنتديات البطالة في المملكة واهتماماتها..

طبعاً .. المشروع ممكن يتوسع إلى مالانهاية ..
لكن نبدأ فيه .. بمجلة .. وسلسلة برامج قوية تعرض على القنوات الفضائية ..
وتكون هالبرامج عن قضايا المواطنين وقريبة من الواقع بعيدة عن الإجحاف والمبالغة والغرض منها يكون الإصلاح ..
ويتم فيها مناقشة المشاكل اللي نعيشها ونتابع المشكلة في كل مراحلها .. إلى أن نصل لحلولها ..
ونتابع التطورات والتغيرات الإيجابية في هالقضايا ..

طبعاً مانرضى فيها بالإنتاج المتوسط .. ومانقبل إلا بالممتاز .. ويكون الانتاج بطريقة شيقة وحديثة وملفته ..
مثلاً .. مع إني ماأحب أقارن لكن لتوضح الصورة أكثر .. مسلسل طاش ماطاش .. قدر يحقق اصداء كبيرة لأنه يناقش قضايا إجتماعية بطريقة ماتخلو من إبداع .. مع تحفظي عليه ..
لكن لو قلنا يكون عندنا برنامج من ارض الواقع يصور معاناة فئة من الناس .. ويتابعها بالتفاصيل وبكل التطورات .. لين ماتنحل هالمشكلة ..

وتستمر سلسلة الأفكار على هالوتيرة .. ولو بكتب كل تصوراتي راح اطول .. لكن اتوقع وضحت الصورة لحد الآن ..
ومميزات هالفكرة إنها مرنة وقابلة للتغيير .. وفيها إبداع وإنتاجية .. وفيها حس فني .. وشيقة ومتجددة ..
واتوقع فرصة أكبر لإستغلال المواهب الفنية والأدبية والكتابية عندنا ..
عندنا مشاريع كتاب ومحررين وشعراء ومذيعين ورسامين ........... وحتى المصورين والمخرجين والفنيين اتوقع عندنا شباب مؤهلين جداً لها الشغلات ..

طبعاً لو كان هذا مشروعنا الحلم .. بتتغير وظيفتي ..
ابي اكون اقرب لإدارة البرامج ومتابعة الأفكار والتحرير و و و و ..

وهذا بالنسبة لمقترحي الثاني ..
وممكن اكتب لكم مشروعي الحلم الخاص فيني .. يمكن يكون مشروعنا كلنا .. لكن في فرصة قادمة ..!