الغيبة والنميمة في مجتمع النساء كانت أكثر وأكبر منها في مجتمع الرجال أما الآن فقد تساوى كلا المجتمعين .. محد أحسن من أحد قبل ثمان سنوات وحتى قبل ثلاث سنوات كنت أدرس بمدرسة أهلية يقال أنها من أفضل المدارس .. وليتها أفضلها في كل شئ .. معروف مجتمع المدرسة بكثرة الغيبة والنميمة فيه .. وقد تحصل الفرقى بسببها كانت مديرة المدرسة من قبل مبهذلتنا .. وانا إذا حبيت يوصل لها شي أتكلم أمام الوشّايات .. بالطبع سيصل بالإضافة إلى أنواع البهار التي تجعل منه ألذ وأشهى وما أخاف إلا من اللي خلقني .. صحيح الواحد يعمل حساب وتقدير لمديره ورئيسه في العمل .. لكن لما يكون المدير من النوعية اللي ماتقدر والظالمة .. راح يتغير كل شي فيك حتى طيبتك تتبدل وربي بسبب سوء المعاملة .. هذي نقطة .. النقطة الثانية .. بعد ماقدمت استقالتي من هذي المدرسة اللي قضيت بها 6 سنوات أصبحت مدخلة بيانات بمدرسة حكومية .. وللأسف أنواع الإزعاج بالمدرسة دائماً أصوات المديرة والمعلمات طالعة .. [glint]ليه ؟؟[/glint] بسبب الوشاية .. المديرة تفتح إذنها للي يوصلولها الكلام .. طيب مو مشكلة سمعت الكلام من هنا وهنا .. المشكلة العظمى إنها تجيب فلانة وانت قلتي وقلتي وبأعلى صوت .. وممكن توقع بين المعلمات سبحان الله .. بيئة العمل غير صحية أبداً .. والله الواحد مايعرف يشتغل من كثر الصراخ . طلعت من المدرسة هذي كله بسبب القيل والقال والصراخ الكثير وضعف الراتب وأسباب أخرى * * الآن أنا مدخلة بيانات في مدرسة حكومية .. ممكن يكون الوضع أفضل قليلاً من المدرسة اللي قبل .. بس سبحان الله نفس الشي نقل الكلام .. فلانة قالت وفلانة عادت وزادت .. أقول سبحان الله مايتعبوا .. وغير المديرة كمان فاتحة إذنها لفلانة وعلانة .. وتحقيق مع من اللي قالت كذا .. وربي أقول المديرة عقلها صغير .. ضروري المدير مايعطي مجال لنقل الكلام وحدوث الفتن .. ولازم يفهم نفسية الموظفين عنده كل واحد وطبعه .. وكل واحد ونفسيته واستطاعته وموهبته .. وضروري يحط حد لكل واشي وكل متسبب لحدوث المشاكل اللي قبلي فصلتها المديرة بسبب وحدة نقلت عنها كلام للمديرة وايش استفادت اللي نقلت الكلام غير الدعاء عليها بأسوأ أنواع الدعاء *********** بالنسبة للآية الكريمة .. هذا تصحيحها ( ياأيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على مافعلتم نادمين ) نسأل الله السلامة والعافية والبعد عن كل فتنة وشر وكل ذي شر .. آسفة على الإطالة أخي فيصل لكن الموضوع يحمس للكتابة يعطيك العافية وكل الود لك