................. بســــم الله الرحــمن الـــرحيـــم .................

حبـــايبي .. بقولكم موقف صار قدامي(( اعذروني بكتب بالعاميه لأنه قريب اكيد للقلب ))..........

** كنــت يــوم في السوق أنا وماما_الله يحفظها_وماماتي تعبت من اللف وجلستها عشان ترتاح....
المهم .... فجــأه ونسمع صراخ عالي والناس قامت وفي النهايه .. طلعت بنت تزاعق على امها وتشتمها بكل
الالفاظ البذيئه ، والأم واقفه وماتكلمت والله والله والله لوتشوفون شكل الأم والله تحـــزن كثير وهي عجـوز واقفه
على _عكاز_ ماتكلمت والناس تطالع فيها وتحس كـن الحـــزن بكبره واقف والله الناس الغريبين حنت والبنت
ولاشيء أثر فيها ،،، والله تمنيت بجد أرميها _الله يكرمكم _ بالجزمه... وماما قالتلي ياولدي صدقني البنت راح توقف
يوم من الايام موقف امها...والله أكثر موقف أثر فيني .. وهذي البنت ماتعرف قيمة امها ولو تعرف والله حتى
ماتقدر تناظر في عين أمها....... بس مأقول الا الله يهديها ويهدينا.....

(( سبحان الله حتى الحيوانات _اكرمكم الله_ تعرف قيمة الام ))


ليس لي تعليق بعد هذي الصوره..............

اللهم وأعنا على برهما حتى يرضيا عنا فترضى

اللهم أعنا على الإحسان إليهما في كبرهما
اللهم وارضهم علينا
اللهم ولا تتوفاهما إلا وهما راضيان عنا تمام الرضا
اللهم وأعنا على خدمتهما كما يبغي لهما علينا

اللهم اجعلنا بارين طائعين لهما.............. آآآآآآآآآآآآمين يارب العالمين..



((( تقبلوا تحياتي وموضوعي البسيط )))..........