مراحب.

خلوني أتفلسف شوي وأشرح بإسهاب.

قلت إن المشروع اللي في راسي هو تشغيل المدارس والمقاصف.

طبعاً كان تفكيري بالمدارس الحكومية وطلب الدعم من وزارة المعارف ومن الوزير بنفسه وعندما يرى الوزير الموضوع لشباب سعوديين راح يقول (أحسن خلهم يفكونا من شرهم وتحسب لنا لأننا أول من دعم مشروع سعودي مائة بالمائة)

ولكن فكرت فيها لو لاقدر الله تم رفض الموضوع ومثل ماقال لي النشمي بالجوال إن السالفة مناقصات.. بصراحة فاتتني هذي.

بس فيه البديل.

المدارس الأهلية.. ليش مانبدأ من الرياض.

من وسط الرياض.. نختار 10 مدارس أهلية يكون وضعها ممتاز نوعاً ما أو جيدجداً ونستأجر مقصفهم. ونبدأ من هنا.

مجموعة تكون في قسم المشتريات: مهمتهم تحضير المواد والمشتريات والبحث عن أفضل الأنواع وأقل الأسعار.

مجموعة في قسم العقود: مهمتهم متابعة العقود ودراستها وتأييدها أو تعديلها أو رفضها.

مجموعة في قسم التوزيع: مهمتهم توزيع طلبات المدارس. وخلوني أتكلم جد. في البداية راح نشتغل على سياراتنا. ومافيها شي ياشباب. بعدها لو نجح المشروع راح يكون فيه سيارات خاصة للشركة.

مجموعة في قسم إدارة المدارس: والمجموعة هذي هي اللي بتشتغل في المدارس سواءاً فتيات أو شباب. في كل مدرسة راح يكون فيه 2 أو 3 أشخاص حسب الوضع وكثافة الطلاب وبعد دراسة للموضوع والوضع.

طبعاً المشروع راح ياخذ وقت علشان يتم تأكيده. الربح وارد. الخسارة ورادة. علشان كذا ماله داعي قروض. وماله داعي تمويل. الشغل كله راح يبدأ من الشباب والفتيات. كل شخص يدفع من جيبه. لو نبدأ بـ 1000 ريال من الفتيات و 3000 من الشباب راح نوصل للي نبيه.

راس المال من عندنا. الجهد والتعب علينا. في النهاية إحنا المستفيدين.

ماراح أتكلم في أشياء أخرى غير الموضوع هذا. بس ممكن ألمح لأشياء راح تجي بعدين. وأقتبسها من مشاركة أحد الإخوة أو الأخوات هنا. وهي تنسيق الحدائق. يعني.. بعد مانمسك مقاصف المدارس. ممكن نمسك تنسيق وتجميل الحدائق عندهم. وراح نفتح قسم جديد للشي هذا. إن شاءالله بعد مانتوفق في موضوعنا الأول ونشوفه نجح.

أكرر هنا.

الربح وارد.. كما أن الخسارة واردة..

لكن الأمل بالله سبحانه وتعالى كبير. وحسبنا أن يد الله مع الجماعة.

بالتوفيق،،،