اقتباس:
المشاركة الأصلية كتبت بواسطة سعودية عظيمة شان
ومازال الحماس مستمراً .. وانا متابعة لك حرف كتب هنا ..
يعيش الإبداع يعيش يعيش يعيش ..!
لكن عندي مداخلة بالنسبة لفكرة مشروع اخوي عاشق عن للمقاصف المدرسية ..
المشروع حلووو .. وفيه أكشن .. بس المشكلة إنه راح علينا ..
كلنا نعرف ان وزارة التربية متعاقدة مع شركة الخليج للتموين ومايعرف بوجبات "كاكو" والشركة الحين احتكرت 2500 مدرسة ..
بين جدة والرياض والدمام ..
ومشروع كاكو بدايته قويه .. من حيث الوجبات والمصانع والمخابز والمواصلات .. والانتشار اللي حققه ..
وفي الرياض خصيصاً .. جميع المدارس على حد علمي تمول من قبلهم ..
واعرف زميلة لي موجهة وتروح لقرى متباعدة .. وموجودة الوجبات عندهم ..
وبالنسبة للمدارس الأهلية ..
حلو اتوقع فيه إمكانية .. واتوقع نقدر نوسعها للمدارس والمعاهد والمراكز التعليمية والترفيهية وغيره ..
رغم اني سألت اللي اعرف في كذا مدرسة .. كلهم مدارسهم ممولة من مطاعم قوية مثل هرفي .. كروسان شوب .. وغيره ..
ولاننسى إنه راح نحتاج إننا نتعاقد مع احد هالمطاعم أو المخابز عشان الساندوتشات ..
أو ننشىء لنا مطعم خاص !
ومشروع تجهيز الهدايا و الحفلات ..
عجبني كثير .. وفيه إبداع وفن .. والبداية فيه ماتبي لها رأس مال كبير ..
حلو لو يكون بداية .. لأنه مشروع مدر .. وبعدها تبدأ منه سلسلة افكارنا الثانية ..
وسلسلة الأفكار مازالت مستمرة .. ياليت أي احد عنده فكرة يقولها ..
أو يكمل افكار غيره .. خلونا نستفيد من افكار بعض ..
وإلى الأمام ياااامشروووعنا الحلم .. |
كلامك كله صحيح ياسعودية
بس لاتنسين راح نحاول نصاحب المشروع بضجة إعلامية حتى ولو على الصعيد الداخلي في إدارات التعليم وبأسلوب قوي راح نقنع بعض من يملكون المدارس الأهلية بحكم أننا سعوديين وشركتنا سعودية 100% وهم راح يدعمونا على أساس يكون لهم السبق في ذلك. ولاتنسين إنهم ناس أهم شي عندهم يطلعون في الصحف والجرايد فقط.
يعني عجبناهم اوكي ماعجبناهم ماعليه نطلع من عندهم وبكذا هم ماخسروا شي بالعكس كسبوا وضعهم الإعلامي.
وأنا أراهن على موضوع الهدايا.