السلام عليكم ورحمة الله وبركاته
انا قدمت العام بالمقابلة وكان معي اخوياي والحمد لله نجحنا فيها
اولا يطلب منك اختبار الحاسب الآلي كيف تدخل النت كيف تحدث الصفحة
ويسألك عن بعض الاشياء وش وظيفتها مثل ايقونة البداية للمتصفح وايقونة الايقاف
وبعد كذا يقول شغل برنامج البور بوينت واكتب في وسط الشريحة.....
وغير خلفية الشريحة للون .....
وبعد كذا يطلب منك تشغل برنامج الوورد وتكتب فيه وتظلل ومن هالكلام
اقتباس:
|
نصيحة لا تسوي فيها خطير وتشرح مثل المهندس لأنه ماعجبه وضعي وقام يناظر فيني ويكثر الاسئلة يبيني اغلط اما اخوياي علشانهم راكدين ويجاوبون على حد السؤال عطاهم سؤال واحد ..
|
--------------------------------------------------------------------------------
اذا خلصت تروح تختبر قرآن طبعا بيقولك اقرأ اي سورة تبي
او شيء حافظه من القرآن تقرأه
وبعد كذا يسألك مثلا كم عدد زوجات النبي صلى الله عليه وسلم أو اركان الايمان او اركان الاسلام او عدد الغزوات او اركان الحج او واجبات الصلاة
ثقافة دينية فقط
سألني بعد كذا لو احد الطلاب غلط او شاغب وش بتسوي << لاتسوي فيها عنتر
وتقول اطب بكرشته خل هالكلام بيننا قول اتعامل معاه باسلوب التربية الحديثة
وصكه كم جملة >>ان الطالب مثل اخوك اصغير
او كبر نفسك وقول ولدي << هع
وراح تكون العلاقة بيني وبينه في حدود المعلم المربي الناصح وهو طالب العلم
بيقولك واذا ما نفع معاه قول في هذي الحالة راح ادخل المسؤول عنه مثل المرشد الطلابي << كذا كانت اجابتي
---------------------------------------------------------------------------------
بعد كذا بنفس القاعة موجود أكثر من استاذ لغة عربية انت وحظك
انا اللي اختبرني كان رجال والنعم فيه مثل العسل طلب منا نكتب تعبير في ثلاث سطور عن المدينة التي نعيش فيها << انتبه تراهم يبون يشوفون املاءك وخاصة الهمزات
بعد كذا طلب مني اقرأ قطعة وكان كتاب الصف الثاني متوسط قرأت ثلاث سطور وقالي اعرب هالكلمتين والله يستر عليك
بالنسبة لواحد من اخوياي طاح في واحد يتكلم مثل ابن رشد من اول ما شافهم قالهم ( هلا جلستما ) << وعلى طول قال اعربا هلا جلستما
واعرب واعرب ...وهات بيت مدح وهات بيت ذم وبيت للمتنبي .........
---------------------------------------------------------------------------
عذرا على الاطالة هذي مقابلتي من ( أ - ي )
المقر >>بجده
وصلى الله وبارك على رسول الله
دعواتكم ان الله ييسر لي الأمر ويفرج الهم