هلا ياعمري



طريقة التدريس :

طبعاً الكلاس كان على نظام مجموعات

اربع مجموعات


وكانت التيتشر مركزهـ على كل حاااااجهـ


الرايتنق والسبيكنق واللسننق و القرامر


يعني كلو


الموهم


كانت التطبيقات كثيرهـ ولمن توزع تطبيق طبعاً يكون جماعي يعني تسولفين مع البنات اللي معاكي بالانقلش


تحديد المستوى:


أول ما تروحي تبغي تسجلي أول حاجهـ لازم تدفعي 50 ريال حق الإختبار



يعني اختبار تحديد المستوى ب50 ريال



وعادي يحطوكي في غرفه لحالك وتقعدي تحلي


طبعاً أنا كنت مررررهـ ميح ومضيعهـ


أغلب الأماكن خليتها فاضيهـ مع انو الأسئلهـ كانت مررهـ سهلهـ


يعني اتكلمي عن نفسك ايش تحبي وايش تكرهي ومن دا الكلام





مدة الدبلوم والله ماعندي خلفيهـ

لأنو كان تركيزي ع المستويات بس


وطبعا المستويات عندهم

ابتدائي
B1
B2
B3
وتمهيدي
E1
E2
E3
وماقبل المتوسط
PI1
PI2
PI3
ومتوسط
I1
I2
I3
ومتوسط عالي
U1
U2
U3
ومتقدم


وكل مستوى من اللي ذكرتهم يندرج تحتهـ ثلاث حاجات

يعني بعد ما تختبري الاختبار وتجي التيتشر البريطانيه تعمل معاكي محادثه وتصحح ورقتك تحدد مستواكي


يعني أنا مثلاً طلعت B2








الأسعار زي ما تفضلتي حضرتك ب 2100 غير الخمسين حقت الإختبار



وطبعاً إذا اخذتي المستويات ورى بعض من دوون انقطاع يعملو "دسكاونت" في البدايهـ بس


يعني المرهـ التانيه تكون ب 2050

التالته تكون ب 2000


الرابعه ب 2000


الخامسه ب 2000


السادسه free مجانا


السابعه ب 2000



أنا شخصياً استفدت مرررررهـ كثيييير

كنت مرهـ أخاف لمن أحد يتكلم معايا وما أفهم ولا شي

بس صرت أهون بكثييييير



أهم حاجهـ إنو اللي تآخذ عندهم تحاول تتكلم مع التيتشر يعني ما تقعد ساكتهـ وخايفه وخجلانهـ


أنا أكثر شي فادني كمان السواليف مع التيتشر ولو انه كان مكسر شويه بس والله اتعلمت اشياء جديدهـ


واللي حتآخذ معاهم رآح تلاحظ الفرق


والرغبهـ جداً جداً مهمهـ