رحت اليوم موعدي وياليتني ماجيتهم الله لا يوفقهم

موعدي اليوم 19/4

اللي يقيسون الطول خوافين بالعربي ويتواردون من القصيمي ريسهم

قاسني واحد منهم شكله اردني او حضري مايقدر يتكلم ولا بس اخضر لبس ممرض

ويقيس وامغط نفسي ويرجع ينزل راسي وامغط نفسي ويرجع يرخي فكي الاسفل

ماباقي الا يجيب منقله وميزان بناء ويقيس

وفي الاخير كأن الرجال احتار ...!!!

قلت وش السالفة

ساكت تقول اطرم

وسجل في قفا الورقة 167.5

وارسلني على الميزان الثاني حق التشييييك عند خوية سعودي معاه سكسوكه الى نص صدرة


وقعد يقيس ويحاول كأنه رحمني وده يمشيني بس خايف لا اخذ من راتبه فلوس ؟!!

وفي الاخير كتب على ورقة الكشف 167.7 وعطاها ريسهم القصيمي الله لا يهنيه في نومته

واختم على الملف بالاحمر غير لايق عسكرياً

قلتله سلامات يابو وراكم تختم بذاااا

قاله طولك موو 168 باقي لك 3 من 10 سم قلت تمزح يابو

قال كذا التعليمات العسكرية

قلت الله حسيبي عليكم وقلتها من قلب

والله العظيم متسلف الفلوس وجايهم من مشوار 1100 كيلو


حسببي الله ونعم الوكيل