خلاص عزلت من خوة هـل اليـوم
ماعادلي فـي حماهـم بيـت يبنـى
واللي بنيته من حقوق وغلا وسلـوم
تبقى على حالهـا ويكفينـا ماشفنـا
طعنا الهقاوي على كثر العتب واللوم
وشابت عيون العشم وانا بعـد شبنـا
نختار من بين قوم ارجال تسوى قوم
ونبحث ورى الخوة وتفشـل نتايجنـا
نصنع بواخر على شط البحر ونعوم
ونطب في الغبـه وتغـرق مراكبنـا
خوة هل المصلحـه لايمكـن تـدوم
وانا اعتبرهم مصيبه مـن مصايبنـا
البارح شفت الصور في دفتر البـوم
وماشفت منهم احد باقـي يواصلنـا
الله الله يابو سيف قصيده رااااائعه وصادقه جدا معانيها
سلمت اخوي ودمت وحفظك الله من كل سوء
تقبل مروري وتقديري