المشاركة الأصلية كتبت بواسطة وينك يارنو

بسم الله الرحمن الرحيم
1- انا لا اتكلم الا عن نفسي (ونفسي عزيزه ولله الحمد ولا ارضى اتكلم باسم احد)
2- انا من عامه الشعب وحالي على قدي ولا كان ماقدمت على هالوظيف (للاذكيا الي يقولون اني ابي اصير واصل ومدري ايش ) والحمد لله على كل حال
3-كنت اقرى الموضوع من قبل سنه ولم اسجل في المنتدى لاني خايف من هالكلام انه ينقال لي ولاكنت ابي العب باعصابكم لان الموضوع لايحتمل النقاش لكن الي خلاني اسجل والله الاسئله الكثيره لاني اعيش نفس الحاله ولا ابي الوضايف تتاخر اكثر من كذا
4- ترى كلامي ماهو ايه انا سالت مثل ماتسالون انتم عن النتايج (مع العلم اني اقسم بالله ان واحد من الوزاره هو الي يدق علي ويعلمني بكل شي جديد ) بالعربي حطيت الكلام الي جاني بدون زياده ولانقص
5- الي يقول( طيب لوتقدر نشوف اسمي واسماء الناس الي هنا الله يرحم ولديك) بقولك شي لو تكون انت الي متوسط لي مثلا واجيك وادق عليك واقول فلان وفلان وفلان وفلان وفلان.....الخ طلعت اساميهم تكفى شف
اتوقع بتقول بينك وبين نفسك ياليتني ماتوسط لهذا وبتمسح اسمي وبتحط بدال اسمي اسم السواق حقك
وحط نفسك مكاني قبل لاتقول هالكلام


بس الي قهرني من جد الي يقول اني انا مسجل باكثر من اسم ومدرى ايش لا والله مو انا الي اسويها وافا عليكم بس انا والله كل الي ارجيه لي ولكم الخير
ومع ذالك انا لاالومكم لان الوضايف صارت ترفع الضغط من جد واكيد الحين الكل متوتر
يعني اذا مانزلت السبت اقولكم سامحوني على الي صدر مني واوعدكم هذي اخر مشاركه لي
الهم ياحي ياقيوم ياذا الجلال والاكرام استجب لكل من كتب في هذا الموضوع دعائه وحقق له مطالبه
سبحانك ياربي استغفرك واتوب اليك
ربي ضلمت نفس فان لم تغفر لي وترحمني لاكون من الخاسرين
والسلام خير ختام ووداع
السلام عليكم ورحمه الله وبركاته