ياقلب وش لك في عنا القيل والقال
======= يكفيك غدر الزمان وغاير طعونه
لاتلتفت للي غدا شبه رجال
======= يظهر لسانه فساد وقبح مكنونه
قلبه ملاه الحسد والعقل مال
====== عن صايب الحق يغمض دايم عيونه
له في ربوع الكذب مرتع ومقيال
====== ونفسه على الخايسه ولهى ومفتونه
ياقلب وانت اللي على الطيب لك فال
====== وفعلك مع اهل المرجله دوم يرجونه
لك صيت لو يقسم على الفين رجال
====== كل واحد(ن) بالغلا والعز يطرونه
ياقلب لايشقيك حاسد وعذال
====== دايم ثمار الشجر باحجار يرمونه
انتظر أراءكم ونقدكم
ابونوره 