انا قدمت عليهم العام الماضي ومن الشروط اذا جيت تقدم اوراقك

حلاقة الراس مكينه 3 (( تروا ماهو شرط مكينه 3 لو تروح لهم ومحلق مكينه 4 عادي حتى لوماتحلق بس اهم شي لايصير طويل شعرك))

اللبس الرياضي سروال اخضر وفنيله بيضاء وجزم رياضيه تكرمون (( وهذي بعد ماهو لازم تتقيد بالالوان هذي البس اي ملابس رياضيه حتى لو اسود عادي مايرجعونك وتكرمون الجزم ماهو لازم عادي حتى لو تلبس نعال تكرمون يدخلونك ))

وبعدها تمسك سرا ويجيبونك لجهاز اللي يقيس الطول والوزن وبعدها يدخلونك على مكتب فيه ثلاث ضباط الاول يسالك انت من وين ويسالك من هو وزير الداخليه ومن هو وزير الخارجيه والثاني يسالك عن اسمك وكم عمرك والثالث يقول لك اقرا اي سوره من القرآن طبعا هنا مو لازم تجاوب صحيح اهم شي ترفع صوتك وتسوي خرررش ههههه ولايقول لك توكل على الله

وبعدها تعطي اوراقك لعسكري ويعطيك ملف اصفر ويقول لك بأي مدينه تبغى تعبيه اختر مدينتك

وتطلع منهم وتعبي الملف ببياناتك الشخصيه ولازم تسدد مخالفاتك وتجيب برنت من المرور وفيه بعد ورقه للادله الجنائيه تعبيها من عندهم وورقه للاحوال المدنيه تعبيها عندهم وورقه للكشف الطبي

بس تركتهم ماجيتهم لان وقته كان علي مخالفات 7000 ريال وماقدرت اسددهن

واي استفسار عن القبول المبدئي انا حاضر