اخوي انت وش تقصد الاكشاك اللي داخل المجمعات
ولا الاكشاك اللي في الشارع والطلب من السياره ( الصراف ) 
<<<<<<< من عندي الاسم
بالنسبه للاكشاك اللي بالشارع انا سألت عنها وكنت ابفتح بس فيه معوقات
اولا اذا كانت الارض للبلديه تروح للبلديه وتقولهم عن الموقع وتحدد على الخريطه
بعدين يطرحونه مزايده للجميع طبعا قمه الظلم يعني اتعب واجيب موقع صح
واخرتها يروح بارده مبرده لشركه ولا لواحد يعرف مدير في البلديه 
واذا كانت الارض لشخص فالبلديه مالهم دخل انت اتفق مع راعي الارض وكمل اوراقك
ورح للبلديه اذا كان هو مستأجرها من البلديه يسوي لك خطاب تنازل عن الجزء المراد
ثانيا الظاهر وماني متأكد سمعت انه ماتقدر تفتح كشك الا لما يكون عندك فرع رئيسي
هذا اللي اعرفه عن بالنسبه لاكشاك السياره
اما بالنسبه للمجمعات
زي ماقالوا الاخوان الاجارات غاليه جدا ........ مثال فيه مجمع عندنا بالظهران المدخل
حق المجمع 70000 ريال السنه ومساحه صغيره مره
طبعا كلامي هذا لايحبط فيك انا اعطيك الانظمه علشان ماتنصدم فيها
وابقولك شي اخير من خلال معرفتي بأثنين اصدقاء عندهم كوفي شوب طبعا محلات كبار
يقولون ان الكشك افضل بكثير وارباحه اعلى واقل مشاكل
واي استفسار انا بالخدمه
واسف على الاطالة