اقتباس:
المشاركة الأصلية كتبت بواسطة المحب في الله
السلام عليكم يااااااااااااااا حبايبي اخوكم المحب في الله ارجوكم عندي طلب ارجوكم ردو على قدر معرفتكم ارجوكم ((دورة امن المنشأة مجندين متى)) رد ياجعل ربي يوفقكم
|
آآآآآآآآآآآآخ يازمن صدق الي قال الفرصة ماتجي مرتين تصدق كان فيه ضابط بالإتصالات الي ببريدة بالجردة من امن المنشأة قال ابومحمد قلت سم قال سدد لي الفاتورة وعطاني رقمه السري وبطاقته عاد سددت له قال عساك نسيت الرقم السري قلت كم نسيته عاد هو اخذ الإيصال وراح نسى البطاقة يوم انتبهت واثاريه ناسي بطاقته والحقه يابو فلان يابوفلان بطاقتك قال والله انك 
قلت حق وواجب المهم قال إذا الله اراد وتخرجت وبغيت تدخل لأمن المنشأة عطني ملفك ولايصير خاطرك إلا طيب قلت انا ادخل العسكرية مستحيل قال ماتدري عن الدنيا واحوالها
عاد هو كبير بالسن شيبه طالع ويوم تخرجت تقديري بالتدريب ممتاز قالي الظاهر ان اسمه الزويد مدير المبيعات بالإتصالات ببريده رشحتك انك تكون احد منسوبننا قلت لا والله ابي مالي بالوظيفة الحين ماورى عشرين سنه ندرس نبي نرتاح سنة قال على هواك ويوم جلست شهر رحت لمه قال ابي اقولك نصيحة الفرصة الي تجي مره ماتجي ثانية وهذي الدنيا يالله تقادير